إذا حسني امبارك تنحّى عن الطابور
أنا ما تنحّى عن حبيبي مدام إنّه
1 – يحبني 2 – ولا يحلم بغيري 3 – وهو مغرور
4 – ومدامني طيّب 5 – ودايم على ظنّه
هني عيني الي شافتك والغياب اشعور
أدنّه وصدري نجر يدنّ لك دنّه
أيا حمس كبدي كل ما غرّد العصفور
على نون عيني والحنايا يلوفنّه
يهلّ المطر ويبللّك سلسبيل الحور
تسلسل من اشفات السحاب وكاسة الجنّه
بللّ شعرك وهلّ وتناثر البلوّر
على رملي الممطور وارسوم هالعنّه
اشمّ الخزاما في لثامك واجي مسحور
يورد البنفسج عبّ قارورة الخنّه
على قد ما شافت عيوني سراج ونور
مثل نور وجهك ما بعد شفت يا بنّه
وحطبّت لك ضلع المسافه ثلاث اشهور
وجريت لك موّال شعري على الشنّه
أحبّك … يلبّى طلّه إخديدك الغندور
يلّبى العطر والشال والعود و الحنّه
وذاك السمار وباشة الغيد والمستور
وطعم الدفا لا من وصل باخذه منّه
لو تنحت الشمس عن مسارها ولو تنحت السايرة عن دروبها لو تخلت الاشجار عن اوراقها ماتخليت ولا تنحيت عن حبهم
الله العلى الكبير يجمعنا بهم فى مستقر رحمته
اللهم آمين
مشكور اخوى الشايش على كلماتك الراقية
بس عاد اقولك لا تربط حبك بوجود او رحيل طاغية لان الحب شى طاهر بريئ
مجرد وجهة نظر
ايه ولده جمال استقال من الحزب لعبه جديده
مشكور على المرور
ولدهـ اللي استقآل مب حسني @@
كلمات حلووووهـ وآآآيد ورومنسيه ):
وصح لسآآنك يالشآآعر دومك مبدع
فـ انتظآآر القآدم
هههههههه
مشكور يا يبه على مرورك
خلاص حسني مبارك تنحى عن الطابور … و استقاااااال (المصدر:البيان)
مشكور عالموضوع