السلام عليكم
اليوم هو يوم العيد الوطني والهويه الوطنية وكنا قد تعودنا – نحــــن المــــواطنـون – الذهاب للعاصمه شارع الكورنيش لمشاهده العالم ومشاهدة الالعاب النارية و و و
ولكن للاسف اليوم كان احتفالات العيد للاجانب بدون منافس
تشوف يمن تجد اجنبي وشمالك وامامك وحتى خلفك وكأنك غريب وصرنا للاسف اقليه فبلادنا
انا اتكلم عن امارة ابوظبي فكل الشوراع تقريبا مغلقه
الزحمة واصله لجسر المقطع وشارع المصفح من الجهه الاخرى
رجعنا وما شفنا شيء
مبرووووك عليكم العيد الوطني وفي نفسي حره على المــــــــــــــــــــــــــــــــواطن المسكين
والله ضحكتني مالخاطر
ياليت الموضوع موضوع سواقة التاكسي ولا الجرسون
في وظايف كبيره بعد مايشتغلونها مواطنين
العرب واخواننا المسلمين لهم كل الترحيب في الدولة والدولة فاتحه ابوابها للجميع وليسو مكروهين ولا شي ونحن مواطنيين وعرب ومسلمين
ارباب
اي مسيره اي يحزنون ؟
اليوم كنت طالع ويا عيالي
تخيلوا من بين الجسرين لين المارينا مول خذت ساعتين ونص … ليش ؟السبب الزحمة … قلنا ماعليه بلادنا والكل بيحتفل … اي احتفال اي يحزنون ؟؟؟ دق معلايه وتمريحة الناقة … هل هذا هو احتفالنا بالعيد الوطني ؟ وبالنهايه تقولون وافدين ووافدين ووافدين … خلونا نشوف عيال البلاد البعض منهم شقا مسودين ويوهنا عقب بنرمس عن الغير
اما عن سالفة الوافدين صح زادوا عن حدهم وانا اقترح تسفير كل الوافدين وتعيين مواطنين مكانهم
من باجر بنحدد وظايفنا
اللي بيسوق سيارة الزبالة ( اكرمكم الله ) واللي بينظف الشوارع واللي بيشتغل بالمخبز واللي بيبيع الخضره واللي بيسوق التكاسي ( احب هالشغله ^_^) واللي بيبيع بالمحلات التجارية …الخ
شو الراي ؟
هل ياترى نحن عيال البلاد بنقدر تشتغل هالشغله لما نستغني عن الوافدين ؟؟؟
يا راعي الموضوع هل تقدر تشتغل في محطة بترول ادنوك تعبي للناس لمدة 9 ساعات باليوم ؟؟؟
ياراعي الموضوع هل تقدر تخم الشوارع 8 ساعات باليوم ؟؟؟
يا راعي الموضوع هل تقدر تسوي خبز وتبيعه بالمخبز كل يوم لمدة 12 ساعه ؟؟؟
يا راعي الموضوع هل تقدر تشتغل جرسون في مطعم تخدم على الخلق المواطنين اللي بيلسون عندك ؟؟؟
والسموحه
لهالدرجة الوافدين العرب والمسلمين مكروهين !!!!!
السلام عليكم ورحمه الله وبركاته
طبعا حبيت اخبرك بشي شفته البارحه وانا كنت جالس على البحر … شفت سياره رنج روفر اخر موديل مزينه أعلام الدوله من كل صوب من السياره وفجأه السياره وقفت على بعد 200 متر من سيارتي ونزل شخص من السياره لابس بنطول اسود وقميص اسود قلت بخاطري هل المواطن شكله غريب والريال يمشي بسرعه صوب البحر اوشووف الريال دش البحر بكامل لبسه لين ما الماي وصل لراسه خلاص اقوول بخاطري هل معقووله انه يبى ينتحر ولا شوو سالفته، شويه ولا شفت السياره تحركت وكانت وحده تسوق السياره وقفت جريب البحر ونزلت وبعد كانت لابسه بنطوول اسود على قميص اسود قلت بخاطري غريب امرهم عيال البلاد ليش لابسين جي وشادين حيلهم… والبنت نزلت من السياره و سارت لين ما وصلت جريب البحر وتأشر للريال انه يرد عسب يكلمها وطلع الحبيب من البحر محرج تمو يتناقشون بطريقه غريبه بعد ما ارتفع حسهم والا طلعو الجماعة هنود قلت بخاطري حسبى الله عليكم تميت ميت من الضحك وانا من الصبح احسبهم عيال البلاد واخر شي طلعو هنود .
انا شخص غيور على بلادي ولا أرضى اي شخص كائن من كان ان يشوه أسم أو علم بلادي بتصرفاته التي لا تم لنا من قريب او بعيد لست ضد ان يفرحوا معنا بعيدنا الوطني ولكن بطريقتنا بطريقه اهل البلد وعاداتهم و ليست بطريقتهم الخاصه .
كل عام ووطني بخير
ودمتم ذخرا للوطن