بلغ مردود بوابة جسر القرهود للتعرفة المرورية «سالك» 2مليون درهم يومياً، بينما وصل متوسط دخل بوابة البرشاء إلى المبلغ نفسه حتى الآن.
وقال مصدر رسمي بهيئة الطرق والمواصلات إنه كان متوقعاً من البوابتين 1000مليون درهم في السنة لكن الوضع يشير إلى زيادة المردود بعد الدخل الكبير الذي حققته بوابة القرهود. وأضاف المصدر ان المخالفات المترتبة على «سالك» لا تدخل ضمن دخل البوابتين، وحساب الدخل من خصم رسم على المركبة التي تمر عبر البوابتين في الاتجاه الواحد قدره 4 دراهم بحد أقصى 24 درهماً يومياً
2000000÷4= 500 الف سياره تمر ع البوابات يوميا!
اونه عسب يقلل الزحمه
الزحمه يوم عن يوم تزيد ههههـ
شرات الرادارات شارع الشبخ زايد ملغووم رادار ومايصور شي من الزحمه اللي مرات تستوي
جنهم حاطين الرادارات زينه ولو يركبون ليتات عليهم احسن تزيد اضاءه الشوارع هع
انزين سؤال
اناا سرت الشارجه مرتين وماكنت مركب سالك لاني ماتفيجت انزل الشيشه اشتري
مريت اظن ع 6 بوابات كل مره يعني المجموع 12 بوابه
كم بيحسبون عليه في اول مره مريت عليها لين اخر مره؟
والتعويض ما يكون غير من ظهورناااااااااااااااااااااااااااااااااااا
مصدر دخل شي طبيعي ماسووه عشان يخفف الزحمه مثل ماقالوا
دبي لازم تبتكر اشيا حديثه عشان تزيد مصادر دخلها لانه ماعندها مصدر دخل ثابت يعني مثل بوظبي بترول وغاز
اما سبب زيادة البوابات اعتقد تعويض الخسائر الكبيره الي حصلت في الازمه الماليه العالميه وهذا شي طبيعي ^_^
الله يعيينا
يعني تقريبا في السنه 1,460,000,000 درهم سنويا