السلام عليكم ورحمه الله وبركاته
قصتي وبإختصار
قبل سنتين شاءت الصدف إني احب بنت وتقدمت لها ولكن بالأول أهلها رفضوني بسبب (الله المستعان)
ولكن بعد فترة قصيرة من الرفض رضوا إني أتزوج بنتهم ، ولكني احين متردد بالزواج منها لأسباب عديدة
لا قادر اودرها ولا قادر آخذها ؟
ما اعرف شو اسوي صراحة ؟
ودوم افكر لو انا ما تزوجتها منو راح ياخذها ؟؟
يالله يا حلالين المشاكل شوفوا لي صرفة
اتريا رد الخبراء والمتزوجين 
وعليكم السلام ورحمة الله وبركاته
صلي صلاة استخاره بنية الزواج وتوكل على الله
انته تعرف البنت من سنتين وراغب في الزواج منها يعني ما في مجال للتردد …
المفروض تكون صادق مع نفسك ومع البنت الي ضليت معاها هالسنتين ومن خالالها عرفيتها عدل حتى قررت تتزوجها .
الله يسرلك امورك ومبروووك مقدما
وعليكم السلام اخوي
ممكن اسألك بعض الاسئلة عشان اقدر افيدك
اولا كيف عرفتها وحبيتها ؟
ومن بعد ماحبيتها إلين تقدمت لها كم كانت المدة ؟
اتوقع اجابة اسئلتي هي اجابة ( ولكن بالأول أهلها رفضوني بسبب )
وبعد ماوافقوا عليك ليش ترددت ؟ ممكن توضح الاسباب ؟
لاتستحي لانحن نعرفك ولا انت تعرفنا يعني باجر ما بنقول عنك اي شي مايرضيك ،، لكن هذه تجربة وانت ما كتبتها وطلبت رأينا الا عشان كلنا نستفيد من بعض ،، ياريت تجاوبنا بصراحة ونعالج الموضوع مع بعض عشان نستفيد منها في حياتنا .. والمنتدى يضم العديد من الأعضاء اللي بيفيدوك وان شاء الله بتتجاوز هذه المحنة على خير ..
شد حيلك وخلي همتك عالية ،، اعرف ان الحب عذاب بس يبالك اشوية صبر ،، ولاتقدم على الزواج الا وانت واثق لأنك ماراح تتوفق لو كنت متردد .. انتظر ردك ….
الله ايسرك امورك ان شاء الله
اخوي شو الي يخليك تترد الحين وانت تبيها..؟؟ هل لان رفضهم جرح كرامتك ..؟ و لا انت فكرت وراجعت نفسك الف مره و تحس انكم ما تنسابون بعض,..؟
فكر عدل شو الي يخليهم يوافقون الحين و يخليك تتردد ..؟؟
عالعموم انصحك تصلي استخاره و ان شاء الله تتيسر امورك ..
بالتوفيق
ليش رافضينك ؟!!
يمكن معاهم حق في رفضهم لك ..<< ما اتهمك لكن أيضا ما اعرفك..
أن كان مافيك عيب فالله المستعان ( في الناس أبدال و في الترك راحة )
أما أن كان فيك شي بسببه رافضينك غير هالشي و حاول ترضيهم << لأجل عين تكرم ألف عين ..
والنصيب من الله يا من شخص حب وحده وهام بها حبا وهي بعد تبادله المشاعر .. لكن لم يتزوجووو لقدر الله << وفي قصة قيس وليلى عبرة لكم يا أهل العشق