أفضل شركات التوصيل ( مهم للتجار)

151 thoughts on “أفضل شركات التوصيل ( مهم للتجار)”

1. كانت هالخدمه متوفره في الامبوست

   بس الافضل تسير عند مدير الفرع في امارتك وتستفسر اكثر يمكن تكون خاصه لبعض الشركات

   والارامكس عندهم هالخدمه سلم واستلم بس تشتري الكوبونات لو تبا المبلغ يقل

   والافضل انك تكلم مدير الفرع في امارتك عسب يوضح لك اكثر

   انا بخبركم انا عندي خبره في الامبوست والارامكس وكل الشركات المعروفه هني..

   الله يسلمكم الامبوست تشتري من عندهم الكوبونات واقل كميه تشتريها 25 كوبون يطلع عليكم الواحد ب 25 درهم….وانا قبل كنت اتعامل وياهم وعقب وقفو خدمة سلم واستلم وخلوها بس توصيل ,,وانا حتى بدع زايد يوصلونها لي ب 25 درهم الحمدلله لانه زبونه قديمه قديمه عندهم…وخبرتهم اذا بيقدرون ايوصلون لي ويرجعون لي المبلغ قالو لي ممنوع كلمو مدير الامبوست وسرنا الين الراس العود في دبي قال لازم اتكون عندكم رخصة محل واحنا بنقدر نسمح لكم بسلم واستلم ..وطبعا انا ما افوتهم طرت وسويت لي رخصه محل ومن عقب يوم سرت لهم قالو خلالالالاص وقفنا هاي الخدمه حتى ل الشركات لانه وايد مصايب يتنا والهنود سرقوهم ما ادري شو صار وياهم ..المهم والحين وطبعا هم ايوصلون بس يعني ما يستلمون المبلغ

   الارامكس: اذا تبون سلم واستلم بيكون غالي وقلت لهم ابغي اتعامل وياكم يعني ابغي اشتري كوبونات بكم بتحسبونه قالو لي 40 قلت طبعا مستحيل محد من الزباين بيرضى يدفع 40 لتوصيل..قلت لازم اتنقصون لي انا وايد بتعامل وياكم قال كم تقريبا يطلع من الاوردرات يوميا عندج ..قلت له على حسب ,,يعني قلت لو طلع عني مثلا مثلا مثلا 150 اوردر شهريا بتوافقون شكله ما ياز له وقالي بتصلج بعدين ومن عقبها ما اتصل ولا عبر يعني هم شكلهم يبون ناس اطلع في اليوم 100 طلبيه..

   والحين الله ايخلي الهوت لاين مب مقصرين ..

   وسلامتكم .. ادري اني لوعت جبدكم بس بغيت اوضح لكم اكثر عشان تستفيدون

2. الامبوست خدمه سريعه جدا لكن للاسف بس توصيل ماتستلم المبالغ وزادو الاسعار فالفتره الاخيره لمناطق السلع وبدع زايد اخر مره سالت 80 درهم !!!!
   والمناطق القريبه 30 هذا طبعا توصيل بس
   الحين مرتاحه ويا الهوت لاين شركه اماراتيه والي يشتغلون فيها عرب تعرف تتفاهم ويا منو لو استوا شي وشغلهم مرتب كوبونات وفواتير وحقك مايضيع
   وطبعا الاسعار جدا ممتازه 25 درهم سلم واستلم وزن لين 5 كيلو

   الغاليه انا طرشت للرويس من شهر تقريبا

   وخذو الامبوست 30 درهم بس

3. الامبوست خدمه سريعه جدا لكن للاسف بس توصيل ماتستلم المبالغ وزادو الاسعار فالفتره الاخيره لمناطق السلع وبدع زايد اخر مره سالت 80 درهم !!!!
   والمناطق القريبه 30 هذا طبعا توصيل بس
   الحين مرتاحه ويا الهوت لاين شركه اماراتيه والي يشتغلون فيها عرب تعرف تتفاهم ويا منو لو استوا شي وشغلهم مرتب كوبونات وفواتير وحقك مايضيع
   وطبعا الاسعار جدا ممتازه 25 درهم سلم واستلم وزن لين 5 كيلو

4. شو سالفة الكوبونات هاذى؟ انا قصدى مال ارامكس؟ يعنى كيف تستوى ارخص اذا عندى كوبونات؟

5. ابي اعرف شي شركه تسوي نقل مزدوج ب 20 درهم ..يعني تنقل بضاعه من التاجر للزبون و بعدها تستلم المبلغ و ترجعه للتاجر ..

   و هل الامبوست اتسوي ها الشي اذا اشتريتم من عندها الكبونات ؟؟؟

   كانت هالخدمه متوفره في الامبوست

   بس الافضل تسير عند مدير الفرع في امارتك وتستفسر اكثر يمكن تكون خاصه لبعض الشركات

   والارامكس عندهم هالخدمه سلم واستلم بس تشتري الكوبونات لو تبا المبلغ يقل

   والافضل انك تكلم مدير الفرع في امارتك عسب يوضح لك اكثر

Comments are closed.