عندي أستفسار…
الوالد الله يحفظه طلب مني أدورله سياره فورويل للبيت يعني أستخدام عادي….
يعني حطو في بالكم السياره يمكن فقط تستخدم للمشاوير الصغيره وسوق السمج مع الدريول هههه وحتى الرمله ماراح تدخلها…
سويت قبل يومين بحث شامل وأتريا منكم المشوره…
أستيشن 2009 سألت بالوكاله والوصول بعد شهر ونص 6 سلندر فتحه بس بدون جلد غير كامل 193 ألف…. حرام حراااام
أرمادا بتتغير الشباب يقولون يعني سنه سنتين…
النيسان بعد في شك عادي تاخذها والوكاله اتنقع فيك خيانه السنه اليايه…
البرادو قالولي بالوكاله سنه وتتغير…
الجيب شيروكي حسيته شبابي شويه رنقات سبورت يعني ماتحسه يليق بشيبه ودريول وطالعين من سوق السمج ههههه الله يعطيه طولت العمر يارب
الدوج كبيره وايد وشكلها لك عليه وماشي عندنا مكان بالباركنج لهالاحجام بالبيت بيسوي ازمه يعني
الفولفو الفورويل الصراحه امبالغين بالاسعار… قالي اكجر شي 143 ألف؟؟؟؟ وايد حق فولفو
الهوندا فورويل الشبك مالها ماعيبني مادري مش مقتنع…
الحين توني وانا افكر يا شي في بالي وبسألكم؟
الباثفندر… الشكل اليديد متى نزل؟ وكم اسعاره انشاءالله معقوله؟ وشورايكم فيه؟
مادري عن الجمس؟ في نوعيه يديده نزلت منه وماشيه ماستخدامها حلو؟
الكاديلاك بعد في شي يديد؟ واسعارهم؟
احجام السيايير اللي ادورها تكون مثل الاستيشن… واقل شوي مو مشكله… مثلا الكاديلاك اسكاليد عوده الوالد يبا شي يعني وسط…
أتريا مشورتكم والاسعار اذا مافي كلافه بالتقريب يعني…. وإذا في راي ثاني فيدوني ماعليكم أمر
وشكرا…. أخوكم رمـــــال
مافي كامل .. لله الكمال
شوف التاهو والدينالي مثل قالوا لك الشباب
واذا ما حصلت شي خذ الاستيشن حلو
سزوكي 2009 4 باب من الوكاله سياره صنعة لشواب مافيها حيله خفيفه وايد مريحه في الوكاله 85 ألف وصدقني ما بتدم
أخوي Shinigami… تسلم عالمشوره… توني جيكت في موقع الجمس… الجمس دينالي 2008 والله حلو شكله واحسه عملي وايد… بس هالفئه نزلت متى؟ يعني بتعيش معانا….
الصالون مايحبه الوالد يقول واطيه وايد هههههه… ريال 12 سنه ايسوق نيسان ماشاءالله… لا ويالس يقنعني انه يبا قير عادي… الدريول عظل ههههه لا بس اتماتيك اكيد بقص عليه بقول مايصنعون عادي هههههههه
والجيب لا مافيني معدى ادريبه فنان….
أخوي سيف مشكور بس أبغي موتر وكاله احسن مره وحده….
بس الصراحه عجبني الجمس بس في فكره عن سعره الفو اوبشن او نص اوبشن هههههه؟ يعني تقريبي….
وها حد بيخبرني عن الباثفندر وباقي السيايير؟
يالله اترياكم
طويل العمر شوف هذي الاوصله إيذا اوكي رد عليه
جان تباا سياره عايليه للبيت عليك باليوكون دينالي والله وحش وفخم
بس اتعرف شي سياره كنت باخذها بس هوّنت وخذت صالون لان مرات الوالده تظهر بسيارتي
الجيب كوماندر ياخي فنانه وايد عيبتني ومكينتها هيمي 5.7 8 سلندر قويه ما شاء الله ومن داخل حلوه
بس طبعا اليوكون احسن