السلام علييكم اخواني ماشي حل حق الرقله الي فالفتك بين 100 و 120؟؟؟
الموتر ماشي 15000 بس موديله 2008 وديناه الوكاله قالو مافي شي ميزانيه ومش حالك كل مانوديلهم الموتر ميزانيه ومش حالك اشتكينا فالمركز الرئيسي مالهم خذو رقمنا وطاااف كل ماندق يقولون شي شكوه بس بتصلبكم عقب وطااف
المهم بغييت حل من اصحاب الفتكات ترانا طفرنا الموتر وكاله وحرام هالرقله الي فييه الموتر لا ركبله 900 ولا شي تواير ورنقات وكاله ..؟؟؟؟
حطله تواير مشلن وانته والخير رباااعه
تواير الوكاله مب شي
وشيئ ثاني اتأكدو من كرسي المكينة والمكينة مثبتة عدل :- في حالة اذا السكان يهتز والسيارة تكون واقفة معناة يا كرسي المكينة والمكينة مش مثبتة عدل ,,, او ان سير المكينة تعبان ..
واذا الرقلة بعدها ماعليكم الا تغيرون السبرينجات الي يركب ع الجانمبينات وتحطون بدالها سبرينجات لينة وسلسة وتنسمو ع التواير نفس ماخبرتكم ,, وبعدها ان شاء الله بتروح الرقلة
جربو ماخسرانين شيئ,,
والسموحة
أنا والله نفس المشكله وعندي الفتك 2009، بتلاحظ الرقله أكثر شي الصبح أول ماتسوق الموتر والتواير بارده ومن يحرن التواير شوي تخف، سويتله ميزانيه يمكن 10 مرات والموتر ماكمل سنه عندي لكنه مثل ماهو ماتغير فيه شي ولاخفت الرقله عنه. بس أتريا تواير الوكاله لين ماينكدن شوي وعقب بعقهن وبركب ميشلن لانه تواير الوكاله مول مايسرن.
الغالي اذا الرود زين ومتأكد من هالشيء جرب هذا :-
– اتأكد من السبرنيجات الي على الجامبينات مش يابسة وتكون لينة وسلسة ,,
-بعده نسم على التواير وخله عادي اذا انت نافخ التاير زيادة عن حده يعني نسم عليه وخل الهوا طبيعي داخل او حتى لو طبيعي جرب تنسم عليه شوي بس
– اتأكد من ميزانية الدرام ويل الخلفي من صوبين روح الكراج قول لهم ابغيك تشيك على ميزانية الدرام ويل ,,
بس هذا الي عندي لانك قلت السيارة وكالة والاشياء الي ذكرته حلول بديهية ,, لان مستحيل سيارة وكالة وتكون فيها رقلة بعد سنة من شراء الا اذا فيها شيئ
ماعليك الا الشرطة خخ