السلام عليكم ورحمة الله وبركاته
مساء الخير عليكم جميعا
إخواني وأخواتي…..إستمرارا لموضوعي السابق
فضلت أن أفتح هذا الموضوع الجديد لمتابعة أسواقنا دبي وأبوظبي لشهر ديسمبر …والذي سأتابع فيه معكم بوضع التحليل بشكل يومي وتحديث مستمر على قدر استطاعتي في محاولة لرصد حركة السوق كما كان الوضع بالموضوع السابق ….واسال الله ان يقدرني على ذلك….وارحب بكل من يحب ان يشارك من السادة المحللين او الاعضاء الكرام بوضع تحليلاتهم بشارتات او بنقاط ….وأتمنى التعاون فيما بيننا ويكون هذا الموضوع مرجع مفيد للقارئ يشتمل على تحليل يومي لحركة المؤشر العام لأبوظبي ودبي وأهم الأسهم في السوقين….
والآن نبدا مع الشارتات الشهرية السابقة لسوق دبي وتحديثها
شارت شهري للمؤشر العام / دبي
التحديث
تسلسل المؤشر العام / دبي على الفريم اليومي
التحديث
والله أعلم.
انا قلت احيانا مايساعدني الوقت احط جميع الفريمات….واحترم وجهة نظرك بس حرام عليك في اسهم اعطت من خلال المتابعة على الفريمات اللحظية والديلي مابي اعددها اكيد انت عارفها يعني افضل مانتظر الاسبوعي لان اكيد المؤشرات سلبية والوضع سلبي على الشهري وعلى الاسبوعي ولكن ليه مانستغل فرص المضاربات ولا نجلس نحلم بسوق متى يرتد ارتداد فعلي او لمت اب في هالمرحلة…
جزاك الله خير..
ما قصدته اتوفرين وقتك لأنه حرام اللي تبذليه مجهود طيب والتركيز المرحلة الحالية على التحليل الاسبوعي أفضل ون السوق ما فيه حيل لمضاربات وبخصوص الفرص لا اتخافين لو انطلق السوق يومين لمت أب مش هالشيئ الكثير حيكون وخصوصا بسوق دبي
. تابعي نقاط قويه وحاسمة + سيولة ولما ينتعش السوق بيكون التحليل الساعة جيد للمضاربات هالايام السوق رقااااد. 
ومشكووووورة وجزاك الله خير
اخوي لو رجعت لاول صفحة تلاقي شارت شهري ماراح احدثه الا بنهاية الشهر وطبعا فيه الدعوم الشهرية والمقاومات..
بس معاك حق في الاسبوعي كنت احط بموضوعي السابق وحاضر ان شاء الله باحط على الاسبوعي.. اسبوع باسبوع….
وباقي الصفحات احاول ان احلل على الفريمات اللحظيه ساعة نصف ساعة وايضا تلاقي تحليل على اليومي بس ساعات الوقت مايساعدني رسم الشارتات والتحليل لمتابعة اهم النقاط ياخذ وقت مني بالساعات تشوف كم شارت احط بشكل يومي غير النقاط الي احاول رصدها لبعض الاسهم ..كل هذا لمحاولة اقتناص اي فرصة …وصحيح احنا بنطاق ضيق والسوق ميت مثل ماتقول لكن المتابعة على الفريمات اللحظية تعطينا رؤية اسرع على امل الارتداد من بعض المناطق او اختراقات تعطينا بصيص امل وطبعا الفريمات الاكبر ادق نحاول نشمل اغلب الفريمات واهمها باذن الله تعالى..
شكرا لك..
أخت حورية
جزاك الله خير على المجهود الطيب
بس عندي ملاحظة وضع السوق ميت واي تحسن بالسوق يباله وقت. أفضل لو يكون تحليلك على مدى أسبوعي أتوقع بيكون أدق كون السوق يلعبون ويغيرون بالمؤشرات خصوصا على مدى الساعة أو اليوم . وبصراحة نحن بنطاق ضيق المهم الان وصول السوق لنقاط ينطلق منها لمستويات تسوى .
مشكورة
شكرا لك اخوي بريف بوي واشكر ادارة المنتدى على تثبيت الموضوع…وهي بالفعل مسؤلية والله يقدرني اني اقدم كل مافي وسعي ….وقد ذكرت في بداية موضوعي اني اتمنى من الجميع المشاركة معي في رصد حركة السوق والاسهم واكرر امنيتي في تفاعلهم وقوم تعاونوا ماذلوا…وان شاء الله اكون عند حسن ظن الجميع…