يامرحبا الساااع
عقب مواضيع الخلل في التركيبه ……….طبعا موضوع قديم لاجديد في الساحه
كنت يالسه في الصاله على القنف واتخيل انه نحن استوينا شويه ولابسين يلد وشالين قبان نفس سكان استراليا الاصليين ………..والمصيبه اني سرحت في الموضوع لدرجه المعايشه
وفجاه انتبهت جان اشوف الوالده جدامي جان اقولها ممكن نستوي نفس سكان استراليا الاصلين ونلبس يلد خخخخخخخخخخخ……..جان اتقول هذيلاك من قبل يلبسون يلد …وحليلهم ………مافكرت الا في اللبس بس انا افكر في وضعهم مساكين……….كيف كانت هاي القاره العوده الفنانه بلادهم يمرحون ويسرحون فيها وفجاه ياهم الرجل الاوربي وراغهم واستوالا على البلاد ………
بس ايون السياح يتفرجون على شيفهم ……………….
تعتقدون عقب خمسين سنه بيون السياح يفرجون على شيفنا ………..الله اعلم
الحين نحن نزحنا صوب البر من عقب الخوانيج ………من المطار وساير حق المهنده لين سوق مرشد والكرامه والاسواق وكل مكان ………..حتى في السناتر يالله يالله اتشوفون واحد بكندورته اقصد لابس يلد ………….
اتريا تفاعلكم في الموضوع بين معارض ومؤيد ………….والردود لاتفسد للود قضيه….مهما كانت سلبيه وايجابيه
ها بوقب كبير المستثمرين…..عاد اسمحلنا يالاخو خذينا صورتك وانته ماتدري
الموضوع
شباب ليش بعد خمسين سنة
اصلا هذا الموضوع حاصل الحين في قرى التراث المتوزعة في كل مكان خمسة مواطنين لابسين اللبس الغريب الي سمونه يا ربي ؟؟؟؟؟ هيه كندورة وفي واحد ماسك طبل والثاني هبان ويغنون والاجانب والهنود والباكستانية يصورون السكان الاصليين للبلد يرقصون
السكان الاصليين لاستراليا كانوا يلبسون جلد
واحنا لابسين كنادير
التوقيع : احد السكان الاصليين للمنطقة
وانته الصاااااااااااااااااااااااادق
لو سمعنا من كل حد سالفه بننصدم …….اقصد بنلبس يلد……خخخخخخ
بالفعل في اماكن يوم المواطن او المواطنه يدخلونها يتمون الأجانب مبققين عيونهم فيهم .. انا مره شفت بعيني في مكان في دبي كله اجانب وكانت بنت مواطنه موجوده في هالمكان .. فالأجانب كانوا مبحلقين عيونهم فيها وفي عباتها وشيلتها ووحده عيوز من هالأجانب يت وتمت تتصور وياها تتحراها تحفة اثرية !
تسلمين على الموضوع
خخخخخخخخخخخخخخخخخ
هاتيلهم يلود ………هذيلاك يصلخون الكنغر ……..اي حد ساير استراليا ايطرش كونتينر من هناك
يا ريت توفريلنا و توفرين حق الاعضاء الكرام في قسم البيع و الشراء هالبضاعه
عشان ها شكله بيستوي الزي الوطني قريبا
و يا ريت يلد نوعيه ستريتش حق كبيروه عشان يضم الكرشه