يامرحبا الساااع
عقب مواضيع الخلل في التركيبه ……….طبعا موضوع قديم لاجديد في الساحه
كنت يالسه في الصاله على القنف واتخيل انه نحن استوينا شويه ولابسين يلد وشالين قبان نفس سكان استراليا الاصليين ………..والمصيبه اني سرحت في الموضوع لدرجه المعايشه
وفجاه انتبهت جان اشوف الوالده جدامي جان اقولها ممكن نستوي نفس سكان استراليا الاصلين ونلبس يلد خخخخخخخخخخخ……..جان اتقول هذيلاك من قبل يلبسون يلد …وحليلهم ………مافكرت الا في اللبس بس انا افكر في وضعهم مساكين……….كيف كانت هاي القاره العوده الفنانه بلادهم يمرحون ويسرحون فيها وفجاه ياهم الرجل الاوربي وراغهم واستوالا على البلاد ………
بس ايون السياح يتفرجون على شيفهم ……………….
تعتقدون عقب خمسين سنه بيون السياح يفرجون على شيفنا ………..الله اعلم
الحين نحن نزحنا صوب البر من عقب الخوانيج ………من المطار وساير حق المهنده لين سوق مرشد والكرامه والاسواق وكل مكان ………..حتى في السناتر يالله يالله اتشوفون واحد بكندورته اقصد لابس يلد ………….
اتريا تفاعلكم في الموضوع بين معارض ومؤيد ………….والردود لاتفسد للود قضيه….مهما كانت سلبيه وايجابيه
ها بوقب كبير المستثمرين…..عاد اسمحلنا يالاخو خذينا صورتك وانته ماتدري
الموضوع
احم احم…………….على قوله قوم توم وجيري يوم يصرط ريجه قمممممممممممممممممممممم
اقول انا ادل خياط ايفصل يلد شي يلد شمواه شي لماعي شي مطفي ……اي شي تبا موجود
وشي قبان ….عند محلات بعشر وعشرين……
لا تنسى القب الله يخليك
لووووووووووووووووووووووووول
الله يقطع بليسج يا عفاري هلكتيني ضحك
شوفي .. انا الحين رايح مشوار .. بلبس اليلد و بطلع
ولي عوده للموضوع
مشكووورين على الردود الغاويه والفنانه ….وكل رد احلا عن الثاني …..
وجهات نظركم تعبر عن اراء المواطنين وشعورهم …….سعدنا بمروركم الكريم
أنا أعتقد أنه أو ما اعتقد بل أكيد أنه الخلل بالمدن الكبرى بالدولة مثل أبوظبي دبي والشارقة أما باقي الامارات والمدن الصغيرة مثل المنطقة الشرقية كلباء وخورفكان والفجيرة والسلع وغيرها من المناطق النائيه العكس صحيح ، والحمدلله مرتاحين لا زحمه ولا مومباي ولاغيره اللهم لا حسد ، واهل دبي بدأو يشترون بيوت بالمناطق هذي والسبب مذكور أعلاه والاراضي زادت اسعارها بعد شو تبون اكثر من جي والايجارات زادت بعد ياسلام اللهم زيد وبارك