السلام عليكم ورحمة الله وبركاته
ممكن حد يساعدني اخواني بخصوص معرفة أماكن الاشياء التالية
1. الابواب الخارجية
2. الكاراجات
3. الرخام وانواعه وين بلقاه؟؟
4. أبواب الفلة الرئيسية ( Pvc ) او نحاس
5. ارضيات المساحات الخارجية
اماكنها ؟؟ اسعارها ؟؟؟ وأي حد عنده نصيحة لا يبخل علينا وشكرا
جزاك اله خير اخوي
انا اريد المنيوم بالنسبة للابواب الخارجية كم سعر المتر لو سمحت ؟؟
اخوي بالنسبة للكارجات شو هو الالمنيوم ووين بلقاه ؟؟
بالنسبة للابواب الخارجية للفيلا شو ترشح ولو بسعر غالي ؟؟؟
جزاك الله خير أخوي
كفيت ووفيت أنا ادور شي زين وبسعر مناسب
ومركز التنين في اشياء غالية وايد ، وخاصة الرخام وحصلت ايطالي وعماني والاسعار وايد غالية
شو رايك في الرخام العماني ؟؟؟؟
مرحبا و سهلا اخويه alhosni
يا حافظ على اخويه all blacks ما قصـرت،،،
أول بادي انصحك انك تبتعـــد عن شي اسمه صيني لانه ما يدوم وايد و جودته هب زينه
الأبواب الخارجيــة طبعا فيه نوع المنيــوم و فيــه حديـد انته بتحدد على حسب السعر الي تباه و السمك ( فيه ستاندر بس على حسب حجم الباب لازم تناقش هالشي ويا الاستشاري)
يعني فيـه ستاندرد معين في السمك و ممكن انته تزيده و خل الحداد يفهمك كيف بيسوي التشطيب ،، و لازم اتسوي ساند بلاست ( بيكون لازالة الصدا و الرش بالرمل)،،
و نوعية القفول هذي بعد مهمه نوع UNION البريطانية او Yale الايطالية و CES الالمانية
الكراجات طبعا ابتعد عن الفايبر جلاس لانه ما ينفع
في نوع المنيوم بس هذا لازم مهندس يرسمه لك ،،، و النوع الثاني الي هو كي سبان K_SPAN ،،
نوع القماش الاسترالي او الافريقي بعده تحت الاختبار في جونا الحار و الرياح و اذا الي ركبوه ما كانوا بروفيشنال ممكن مع الوقت ينطر من اماكن الخياطة.
الرخام انواع وايد بس مثل ما قلت لك ابتعد عن الصيني ،،،
و فيه بورسلان اماراتي الي هو بورسلان سيراميك راس الخيمه زين بس لاتننسي يوم بتطلب اطلب الدرجة الاولى
بالنسة لارضيات الحوش و الدرج الخارجي ركب جرانيت و فيه انواع من الجرانيت الهندي زينة و خذ الدرجة الاولى و أكد عليهم انه الواح الجرانيت تكون نفس درجة اللون
ابواب البي في سي و الخشب الاصلي زينات بعد ،، بس اهم شي الفينيشن للابواب و تحملهن للحرارة و الرطوبة
بالنسبة للارضيات الخارجية أفصل نوع هو الانترلوك نوع مصنع (باسكو) موجود في العين ،، و جودته رائعة
بس اهم شي لا تنسى قبل وضع الباسكو يحطون في الخلطة مادة مضادة للنمل و الرمة الي هي unti-termite
طبعا هذي المادة انتوا لازم اتكونون حاطينها في اساسات البنيان و سعرها رخيص ( النوع الماني)
هب مهم انك اتعرف اسامي محلات كثر ما هو مهم انك تفهم كل شي في التشطيب يعني حط في راسك (السلبيات و الايجابيات للي بتختارة)
و اذا كانت الرطوبة عالية او الحرارة ،، بالنسبة لمنطقتك جوها و عقب حدد الي بتاخذة
و انا انصحك اتحوط و اتشوف اكثر من مكان و بين لاصحاب المحلات انك فاهم عسبت ما يقصون عليك
و ربيه يوفقك ان شاء الله
و العذر و السموحة منكم
الاسعار ما اقدر افتي فيها
في الرخيص و في الغالي حسب اختيارك
اذا تدور شئ رخيص و مايعيش عليك بسوق التنين
و اذا تدور شئ زين انصحك بهذيلا
الابواب الخارجية و ابواب الفيلا الرئيسيه و الكراجات و درابزين الدرج
احسن لتجارة الابواب و الديكور
قرب نادي الكركيت الشارقه بجانب بناية الياسمين
065384852
الرخام و القرانيت الطبيعي اذا تدور شئ ممتاز
مصنع الشعفار
04285632
خلف وكالة الفولكس ويقن في الراشدية / دبي
الابواب الخشبيه
منجرة الجواد
0505614587 رويل خان
( حاليا مسافر بيرجع يمكن بعد اسبوع )
ابواب PVC غالية + لون ابيض فقط + الالوان الثانيه ما عليها ضمان
ابواب PVC في بنايه شرقي حديقة المجاز و في مصنع في المنطقة الحرة الحمرية في الشارقة اسمه ايوان
النحاس ما ينفع يتعرض للرطوبه و الحراره
ما فهمت شو تقصد في
5. ارضيات المساحات الخارجية
قصدك انترلوك ( باسكو ) والا موازيك ( الكاشي العادي مال اول )
اذا تدور شئ ثاني حاضرين للطيبين
أخوي سوق التنين بتلاقي فيه كل هالسوالف
صناعه صينيه
بالنسبه للجوده ماعرف لنه الصناعه الصينيه في منها الزين ومنها الشين
بس كل شئ بتلاقيه هناك تقريبا