السلام عليكم و رحمه الله وبركاته
طبعا الجميع لاحظ في الاونه الاخيره ان المرسيديس جي 55 زاد في الخليج و انه الطلب زاد عليه جديد كان او مستعمل ,,
والغريبه !!! ان الناس قاعده تشتريه و تجازف في فلوسه حتى لو كان ماشي وايد !!
معضم اعلانات الجي 55 المستعمل موديل 2007 و 2008 و 2009 ,, واغلبيه هالسيارات تكون ماشيه فوق ال 90 الف كم ,, والي يدهشني أكثر انه عليه طلب والبائع ما يسكت تلفونه من الاتصالات.
الي محيرني انه هذي السياره غير عمليه بمعنى:- انك يوم تشتريها اول شي لازم تبدل الجانبينات و سبيسرات وو طبعا شرط انك تركب ارايل كلداري ,, يعني بتكون مخسر لك اقل شي مال 30 الف درهم
اما عن استخدامه و خراباته ترا اذا كان عالضمان انته والخير ارباعه , بس ياويلك اذا طلع من الضمان .. واحد من الشباب عنده 2007 و ماعليه ضمان و اخترب عنده السوبر ,, على ماعتقد كلفه التصليح برع الوكاله 20 الف درهم .
غريبه هالسياره سعره دايما فالعلالي وتحافظ عليه اكثر من التويوتا و الكزس.
(( في شي في الجي 55 بصراحه كلنا نتفق عليه الا وهو شكله ومضهره الخارجي وهيبته الجذابه))
والسؤال الي حاب اسأله جميع الشباب ,, اذا عندك 500 الف كاش اي سياره بتشتري,, وشو السبب ؟؟؟
شوه هالياباني اللي الحين ب200 ؟ اخذ موتر ياباني مستعمل موديل 2010 ماشي فوق 100 الف على 200 ؟
يعني افهم من الموضوع هذا خلق الله يستخسرون يعقون 500 الف على سياره والكل ماخذ موتر مستعمل ؟
وافهم بعد ان الكل عقله عقل تجاره ؟! المشكله اللي يقول هالرمسه حزت الجد ويوم يكون عنده هالمبلغ في ايده
يقولك انا بعرس وانا وانا وانا وتلقاه ماخذ له سياره بهالمبلغ لا عرس ولا فتح له محل يسترزق الله ولا بنى مسيد
يا كافخ له موتر يا مسافر ولاعب في فلوسه لعبه … الخ
يعطيك العافيه ولاهنت في ميزان حسناتك
خل عندك اسلوب ويقولك كلن يشوف الناس بعين طبعه يا ………..
500 الف مابروح اعقها كلها على سياره لانه صدق بكون انسان غبي وتافه ومادور الا المظاهر
باخذلي لكزس 460 والباقي بعرس فيهم هههههه
بلا جي 55 بلا بطيخ هالامور حق الخرفان
نكون صريحين والموتر صار سيكل بالشارع من كثره واكثر اللي ياخذونه حق الخرفنه وعيني تشهد والسلام عليكم
500 قطعت ارض ؟ وين هذا بصعيد