السلام عليكم ورحمة الله وبركاته
الاخوه الاعضاء والمشرفين اتمنى من الله العلي القدير ومن الاداره الموقره عدم اغلاق الموضوع ….
بالامس تم اغلاق موضوع أدنوك بسبب احد الاشخاص دخل وطرح مواضيع ماكان داعي يطرحها الله يهديه وجزاه الله الف خير وانغلق الموضوع ؟ ونحن شوه ذنبنا ينغلق على كل حال ندخل في الموضوع
واتمنى من الشباب المعاونه …….
اول نبدا بالبونص السنوي لمجموعة شركات ادنوك مواعدين الشركه نزول البونص بتاريخ عشره الشهر والحمد الله …ونقول مبروك للجميع
ثثاني شي يعلم الجميع ان ادنوك تدرس حاليا زيادة الرواتب …..
انا شخصيا شفت اوراق الدراسه وموجه الي ادنوك الرئيسيه بطلب من يوسف بن عمير 
ما اعرف شوه فيها وكم نسبتها ….. في زياده ولاكن لا احد يجزم الا بصدور الاوامر ونحن في الانتظار ….
نتمنى من الاخوه يزودون بتفاصيل الزياده …… او خبر رسمي من تحت الطاوله والاخبار طيبه بشكل عام
يالمشرفين الشيمه 
: تراى كل مافتحنا موضوع ادنوك ينغلق
والسلام عليكم ورحمة الله وبركاته
خلاص يعني نعتمد ؟ لول
اخوي انا برد عليك من اقتباساتك
انت قلت التالي
اقتباس:
20 ألف بنظام الراتب الشامل…اما موظفو أدنوك يستلمون 21 الف من غير كاش السكن
يعني 31 الف تقريبا !! يعني الفرق 11 الف
وانا وضحت ان الراتب 21 ألف شامل السكن وبعد مفصل
شوف
اقتباس:
21 مع السكن شامل
المخصص لهم 100 ألف تقسيم 12 = 8300
الراتب الاساسي = 5800 تقربيا لخريج الثانويه
يعني المجموع = 14 ألف وشوي
وكم علاوه توصل الراتب 18 ألف للثانوي في اللي يداوم في ابوظبي
اما اللي في الحقول زيد عليهم علاوة خطر ومنطقه نائيه توصل اللي 21 تقريبا
اقتباس:
والزيادة للجامعيين 75%
ولغيرهم 10%
شرايك ؟
رايي الكل يستلم 100% يستاهلين هل البترول يعلم الله انهم ماشاء الله شغالين شغل مب هين انا بس كنت اوضح واقول وجة نظر لا اكثر ولا اقل
ما شاء الله اكثر الاعضاء في أدنوك الموقع راح يتغير اسمه الى Adnocsm.com
الزياده غير واضحه حيث ان في الجدول القديم يوجد جنرال الوانس و هذا غير صحيح
الجدول ليس فيه دقه يجب التوضيح
أخر إشــــــــــــــــاعة وصلتنا
الزيـــــــــادة لحملة الشهادات الجامعية (دبلوم عالي لين الدكتوراة) 70%
غيــــــــــــــــــــــــــــــــــــــــــــــره ــــــــــــــــــــــــــــــــــــــــــــــــــ م 15%
—————————–
والله أعلم
شي( سيركولار) بينزل الاسبوع الياي
بنشوف شو اللي بنحصله
والله كريم