تم إلقــاء القبض على السيد المحترم أحمد عبد القادر وأثنين من معاونيه من الجنسية الخليجية بتهمة النصب والإحتيال والإستيلاء على أمـوال الغير والتحقيق وياهم بعده شغال وتم إستدعاء حتى الوسطاء اللي يغرون الناس ويقصون عليهم ويوصلون الناس إللي عمتهم الفلوس للمحفظه هاي لانهم مستويين وسطاء وهم روحهم لايملكون عقود أو أي شي يثبت مشروعية هالمحفظه وعلى فكرة الموضوع مرتبط بالمحظه الثانية إللي شرد صاحبها (الحوسني) بس بعد أبشركم أن أنزخ وهو في إيطاليا والريال طلع يتعامل بعد ويا أحمد عبدالقادر والله يعين الناس إللي مافكروا إلا بالفلوس ولا حاتوا الحلال من الحرام كل همهم جمع البيزات ويوم نصحناهم قالولنا خلوكم بفقركم ــــــــــــ الله كــــــــريم
والقانون لايحمي المغفلين
حصري من الشحي2
اخوي الكريم الي تسألني عن المصدر …
هذا المصدر من التحقيق نفسه … ويا اخوي كل الناس متورطه في الموضوع انا حبيت اطمنكم بالي صاير وعلشان بعد اخبركم ان الاشاعات الي تسمعونها وانه ظهر وانه بيدفع كلها خاليه من الصحه ..
على فكره هذي الاجوبه سليمه اميه بالميه … ولا تحاتي يالغالي واحسبها علي طال عمرك …
وانا ما اقدر اذكر شي في الموضوع لدوعي امنيه …بس هذي الاسئله الشائعه الي كل واحد يبغي يعرف اجوبتها
تحياتي لك اخي الكريم …
اللي اعرفه وشبه مأكد ان احد وسطاء احمد عبدالقادر هرب ومعه مبلغ كبير وقام احد الضحايا باشكوى عليه وتم استدعاء احمد عبدالقادر كذلك وعمل تحقيق عن القضيه ويقولون ان احمد وعد بتعويض كل من تقدم اللي ذاك الوسيط
لعلها بداية انكشاف اوراق غامضه في هذه المحفظه
ودمتم بود ,,,
الريال موقوف في شرطة أبوظبي (مدينة خليفة) ومعاه أخوانه (خالد و محمد) وأخته بعد وبعض من المسثمرين والوسطاء والريال موضعه متغربل وايد والسالفة طلعت فيها أمور وايده غير النصب والإحتيال بس السموحة منكم في أشياء ما أقدر أذكرها وذلك لحساسيتها … وعندي خبر إنشاء الله يتم بس أبا الحلاوه من المسثمرين إللي أنقص عليهم بأن الريال وعد الجهات المختصة بأنه يرجع فلوس المستثمرين وإنشاء يتم هالشي وأتمنى بأن يكون درس لهم ويتعضون منه وهناك بعض الامور الكثيرة ولاكن أتركها للايام القادمة وكل شي بيبين والسموحة منكم ….
أنزين عالاقل أشكروني على هالاخبار هههههههههههههههههه
بسم الله الرحمن الرحيم
يعطيك العافية أخوي والله يعين الناس الي وثقو وحطو فلوسهم ,, مع ان التحذيرات واضحة من خلال نصائح الناس والعقلاء ,, حتى بوسائل الاعلام تم التحذير بشكل مكثف .وكان الرد الجاهز بأن المبلغ بسيط ويجب أن نغامر .. وهذه هي النتيجه .
اسمحلي أخوي الكريم كاتب الموضوع بعتب أخوي بسيط ,, وضع اسم القبيلة بين قوسين بالطريقة الي انت كاتبها احسها مش حلوة ,, أفضل ان كان عندك اسم الشخص يكون أفضل ,, لانك من خلال وضعك لاسم القبيلة احس ان الموضوع موجه للقبيلة كامل ,, واعتذر عن المداخلة الأخوية.