أتمنى من كل رجل متزوج الاجابة على هذا السؤال ..

49 thoughts on “أتمنى من كل رجل متزوج الاجابة على هذا السؤال ..”

1. وما زلنا ننتظر مزيد من الردود ..

2. هل من الممكن انه الرجل المتزوج يحب وحده ثانية غير زوجته ؟

   هي الغاليه ممكن .. وللاسف هذا الشي موجود بكثره

   وشو الاسباب الي تخلي واحد متزوج يحب وحده ثانيه غير زوجته ؟

   الغاليه في وايد اسباب .. بقولج من الواقع اللي عايشته
   في زوجات يكونن مقصرات ( انا ما عمم ) وهمهن بعد الزواج راحتهم بس من طلعات وسفرات ولبس وغيره متناسيه شريك حياتها .. اكثر البنات اللي شفتهم يكون اهتمامهم في بدايه الزواج وعقب اكبر طاف للزوج والعيال

   في حالات الريال يكون يحب قبل الزواج .. واذا لقى القصور بعد الزواج .. يرد للحب القديم وهذي وايد صايره

   وطبعا في وايد اسباب .. اذا كتبت يمكن ما خلص ^_^

   وبرايكم شو الافضل يكون للطرفين .. الزوجه تسكت .. تواجه او تخليه يتزوج الي يحبها .؟؟

   اكبر غلط تسويه الحرمه انها تواجه الريال بالغلط اللي شافته من صوبه << والله من واقع تجربه
   اذا واجهتي الريال وقلتي تراني شفت وعرفت .. صدقيني بيكبر راسه .. بيقول خلاص عرفت وشو بتسوي

   كبري عقلج ولا تخلينها تستووي كبيره .. ترى الريال مثل الياهل اكيد شي قاصرنه وراح يدور عليه من برع

   انزين ماسألتي .. ليش الريال يحب غير زوجته ؟؟

   اكيد انه شاف شي فالحبيبه ومب لاقنه عند زوجته <<< الف خط عليها

   يهون عليج تخلينه حق وحده ثانيه ؟؟

   هني عاد دورج انتي .. اذا عرفتي انه يحب .. تقدرين تعوضينه

   صدقيني مب صعبه .. الريال كلمه توديه وكلمه تيبه .. بس يبالها صبر وحكمه

   والزوج يواجه زوجته بحبه لوحده غيرها .. وشو الافضل يتزوج الي يحبها .. او لا ؟؟

   الزووج يواجه زوجته .. ماعندي اجابه لــ هالسؤال

   الافضل انه يتزوج اللي يحبها ..

   نعم يتوكل على الله اذا لاقي قصور من حرمته

   ليش يتعذب ويشقى المسكين وهي ولا على بالها

   ( اكيد بحصلي كف من البنات )

   والطرف الثالث الي هي البنت .. هل تقبل هذا الزواج او لا ؟؟

   في هالزمن مايقولن لااااااء .. عادي تاخذ منج ريلج
   لانه في بالها هي اولابه دامج ماحافظتي عليه

   انا وياج في اللي قلتيه 100%
   المراة تتحمل 50% من أسباب خيانة الزوج

   نحن في زمن التطور والتغير و كل يوم انشوف أشياء يديدة في المكياج , في الملابس , في الموضة حتي في الأكلات والطبخات فالزوجة المفروض تكون منفتحة علي كل ما هو يديد ومتغير في كل شي مثلا اتغير من نمط لبسها , قصة شعرها أو ممكن تغير في ترتيب فراش البيت

   والاعلام ما مقصر كل يوم و الثاني انشوف مذيعات شكل لابسات أحسن لبس ومستويات أحلي الصبغات فأكيد أذا الزوجة كانت طول وقتها في البيت هاملة نفسها وشعرها يالله تمشطة وما تهتم بشكلها و مظهرها فالريال غصبا عنه عينة تـــزوغ لأنـــة أكيد أبسط شي بيسويه بيقارن بين منظرها ومنظر اللي يشوفها جدامه في التلفزيون وفي الشارع و يبدأ ينفر منها ويدور البديل

   لكن اذا الزوجة بتخصص لها وقت تهتم فية بنفسها و تعتني بلبسها ومظهرها وتحرص أنة زوجها مايشــوف منها الا كل شي حلو يعني تـملي عينه من جميع النواحي مظهرها و تعاملها و أخلاقها مستحيل يشوف غيرها لكن اذا كان غير هذا
   ما أقول الا حسبي الله ونعم الوكيل فية والله يعوض الزوجة علي صبرها الجنة بأذن الله

   
   __________________

3. إسمحووولي على مشاركتي مره ثانيه بس حبيت أعرف ألحيييينه ترمسون عن الزواج من الثانيه والثالثه أو حب ماله خص في الزواج

   انت متزوج والا ؟
   واذا كنت متزوج وحبيت وحدة ثانية هل بتتزوجها؟

   
   __________________

4. إسمحووولي على مشاركتي مره ثانيه بس حبيت أعرف ألحيييينه ترمسون عن الزواج من الثانيه والثالثه أو حب ماله خص في الزواج

5. لا عادي اختي ام غيث بالحل يفداج الموضوع .. وحلو نعرف شوي كيف الطرف الثاني يفكر ..

   واستفدت بصراحه من ردود الاخوان غيرولي فكرتيه عن الرياييل بس ما بقول للاسوأ او للأفضل ..

   بس يمكن تتفاجأين من ردي انا من وجهة نظريه انه الريال اذا حب وحده غير حرمته يتزوجها ولا يلعب

   الحلال زين .. بس مع ذلك نتريا مزيد من مشاركات الاخوان .. وخذي راحتج في الموضوع اعتبريها موضوعج ..

   انا وياج في هالنقطه
   بس نحن ما نعرف كيف يفكر الريال

   وننتظر اخوانا

Comments are closed.