السلام عليكم ورحمة الله وبركاته,
دائما نسمع بعض المقاولين حراميه غشاشين, سرقوا, هربوا, اتفقوا مع الاستشاري الخ
يا أخوان انا من بوظبي و ناوي ابني بويت “تصغير للبيت” في رأس الخيمة على البحر و عندي ارض سكنية اشتريتها من زمان..
أبا أبني 3 غرف و حمامين و صالة و ملحق خارجي (مطبخ مجلس و حمام)
المطلوب رقم شركة تخاف الله و عندها مشاريع قائمة في راس الخيمة و الشغل يكون ممتاز (ارض البيت أصلي * أصلي)
وفقكم الله
كنت اقدر اقولك انه اخوي عنده مقاولات و مستعد يبنيلك بس لأن اخوي مبتدأ ما قتلك
و انا مجرب الهولي و عارف شغله نصحتك فيه و في الأخير القرار قرارك اخوي و الشور شورك
اذا ما تعاقدت مع حد خبرني وفالك طيب
مب شرط اختي ,,
في ناس تمدح المقاول لانها مجربة شغل وياه واعجبت فيه ,, وفي ناس جربت الشغل وياه وما عيبها الشغل ,,, تظل وجهة نظر تخص كل شخص ,,,
ومراسلتهم لصاحب الموضوع ,, يمكن من باب عدم التشهير ,,,
الهولي اسم كبير في رأس الخيمة ,,,
بالنسبة لي اخوي سونك ,, كل مشاريعي مع الفن المعاصر لمقاولات البناء ,,, تقريبا للآن 7 مشاريع
أصلا لو غرضهم خير جان قالوا الكلام هني مب في الخاص
وسوري ع المداخله