أبا أستثمر 150 ألف في محفظة أحمد عبدالقادر .. شو تنصحوني

22 thoughts on “أبا أستثمر 150 ألف في محفظة أحمد عبدالقادر .. شو تنصحوني”

1. 
   السلام عليكم
   

   اشحالكم جماعة… بغيت اقول شي مهم جدا

   1. ماله داعي تذكرون اسم راعي المحفظة
   
   2. في امور في الموضوع ما تنذكر على العام والي جاد ويحب انه يستفسر في صلب الموضوع تقدرون اتطرشون عالخاص او يتصل اذا ذكر رقم الهاتف
   
   3. ومادام ذكرتو اسم راعي المحفظه .. انا اخو راعي المحفظه واذا حبيتو تستفسرون عن اي شي عندكم الخاص

   
   ارجوا الجديه لانه الغرض من هذي المحفظه مب الشهره بال الاستثمار … وشكرا
   

   التشهير شي و ذكر اسم راعي المحفظه شي ثاني
   وما اعتقد ان اسم الريال يعيبه بل بالعكس يفتخر فيه
   عمومآ احنا وصلنا لنقطة مهمه جدا مدامك اخو الريال
   و اعتقد قمة الثقة انك تحط التفاصيل على العام
   اما الخش و الدس على الخاص ما اعتقد انها تجلب غير التشكيك وعدم الثقه بالمحفظه
   عندك اخونا القناص و اخونا فادي ” تريدينج لاين ” عندهم محافظ و كل شي وااااااااااااضح على العام
   امتثالآ للمثل اللي يقول (( لا تسرق ولا تخاف ))
   ياليت كل شي يكون على العام علشان الناس تتشجع وتدخل وتعرف شو لها وشو عليها
   خاصه انك شايف كيف الامور خذت حيز ضيق جدا وكل هذا بسبب
   عدم الشفافيه
   و تضارب المعلومات و تناقضها
   لو سمحت يا الطيب ممكن تلخص لنا لو كم سطر شو طبيعة المحفظه و رأس مالها و نوعية استثمارها و نوعية الضمانات الموجوده وشو هي الاستثمارات اللي داخله فيها و هل يوجد مكتب في بوظبي او اي اماره ثانيه و كم نسبة الربح الشهري بالضبط , لاننا شفنا وسيط ب20% و آخر 25% و آخر 30% رغم انهم كلهم يمثلون السيد احمد عبدالقادر ؟
   و بنكون شاكرين لك .. و راح تزيل أمور كثيره تراكمت على اسم اخوك احمد عبدالقادر
   اعتقد اني ما اطلب المستحيل و احنا نتريا مداخلتك

2. إكتشاف آخر,,,,,,

   انا اكتشفت حالة لعب في المنتدى و الدليل وسيط يدلل عن طريق الخاص و بعص المواضيع والان يبين للناس بانه مشارك في المحفظة (حاله من حالنا يعني)
   الذكي فيكم يدور في موضوعي عن ظهور المحافظ و رد من الردود في هذا الموضوع و ان شاءالله بيعرفه.

   سبحان الله

   انا نصيحتي لكل أخ و أخت بان يستخدم العقل ثم العقل.

3. السلام عليكم

   اشحالكم جماعة… بغيت اقول شي مهم جدا

   1. ماله داعي تذكرون اسم راعي المحفظة

   2. في امور في الموضوع ما تنذكر على العام والي جاد ويحب انه يستفسر في صلب الموضوع تقدرون اتطرشون عالخاص او يتصل اذا ذكر رقم الهاتف

   3. ومادام ذكرتو اسم راعي المحفظه .. انا اخو راعي المحفظه واذا حبيتو تستفسرون عن اي شي عندكم الخاص

   ارجوا الجديه لانه الغرض من هذي المحفظه مب الشهره بال الاستثمار … وشكرا

4. بالغلط ما انتبهت

   انتو شو تبون من اني عطيتكم رقم الوسيط المباشر اتصلوبه خله يعطيكم الكلام الصحيح

   اتريوا لين ما يخلص العقود وتضمنون حقوقكم

   بعدين انا ما غصبتكم اللي يبا يدش واللي ما يبا طااااااااااااااااف

   شو يعني يعني هم منقصرين الا من فلوسكم واااااااااايد ناس تدفع

   سبحان الله !! بالغلط ؟؟
   فرق بين 30% و 40 % والله العظيم فرق !!
   أساسآ انتي أغلبية كلامج متناقض مع بعضه من قمتي تدافعين عن المحفظه والوسطاء و احنا مانثق بكلامج بتاتآ !!
   و هذا بشهادة الأغلبية , وما اعتقد كلنا غلط وانتي بس بروحج صح

   اونه عطيتكم رقم الوسيط !! عيل مدام عطيتينا رقم الوسيط ليش عيل مواقعه أمة لا اله الا الله في كل موضوع ينكتب عن أحمد عبدالقادر و وسطائه الكرام !!
   ليش موب هم بروحهم يردون على أسألة الناس اللي تبا تستثمر بيزاتها عنده
   ولا بيزات الناس طايحه بالشارع !!
   ولا ال5% اللي ياخذونها عن كل مستثمر ما تكفي أتعاب الردود على أسألة الناس !!
   حطي فبالج ان في ناس متسلفه البيزات وفي ناس ميمعه البيزات من فتره طويله وفي ناس بأشد الحاجه لها ومن حقهم يعرفون التفاصيل وكل ما يخص المحفظه
   الله المستعان !! الفلوس فلوس أبونا والقوم حاربونا!!

5. وما عندي مشكله اذا كان كبير المستثمرين يتاكد بنفسة من الكلام هذا

   رقم الريال موجود وخله يتصل ويتاكد من كل شي بنفسة

   او اي حد من الاعضاء واااااااااااااايدين مشاركين بس ما يقولون

   وفي شاركو وسحبوا فلوسهم

   وفي ناس مشاركين قبلي ويعرفون المحفظة زين ما زين

   ويكون في علمكم مابرد على اي رد

   لانكم مزعجين والريال تاذى منكم واااااايد

   لازم محد يقولكم عن شي

   شو ها الاسلوب اتقول لو ما شاركنا مع احمد عبد القادر بنموت يوع

   اكيد بيتأذى الريال من الاتصالات الناس ما بتعق فلوسها ببلاش

   بعدين هو ما بيتأذى ببلاش بيحصل راس مال من الناس وبيشل من كل واحد نسبه

   ولا يبي فلوس بس من دون أذيه .

   اسلوب بايخ

Comments are closed.