السلام عليكم .. شحالكم يالربع ؟

علكم إلا بخير ؟

يمعه مباركه إن شاء الله ..

ندخل في صلب الموضوع ..

أول أمس سرت انا وربيعي مشاريع قرقاش ..

وربيعي كان ناوي على cls500 2009 ..

يوم شاف الأسعار تخبل !!!

cls350 = 320.000 Dh

cls500 = 385.000 Dh

وألحين خلاص معزم انه ياخذ cls350 بس بركب عله كت AMG ..

وعنده بعض الأسئلة ….

==================

1- شو رايكم بالـ cls بشكل عام ؟

3- شو عيوبه ؟ وشو مميزاته ؟ ( والأفضل من واقع تجربة )

2- شو عزم الـ 350 وهل مكينة الـ 6 سلندر تبين رياضية الموتر ؟

3- شو تنصحونه باللون الخارجي ؟ واللون الداخلي ؟

==================

اتمنى اللي عنده خبره فالموتر يخبرنا .. والسموحة …

16 thoughts on “؟؟ cls 350 (or) cls 500 ؟؟

  1. سيارة روعه وسعرها مناسب جداا ..

    حبيت أقولك انه السيارة بيتغير شكلها سنة 2011 يعني بعد سنتين ..

  2. يعطيك العافية اخوي KINGS ع المعلومات ..

    والصراحة ربيعي شاف الـ 500 غالي شوي ..

    وبالنسبة للصقف أنا شفته ملائم لموتر رياضي مثل الـcls …

    مشكوور الغالي ع الرد .. والسموحة ..

    صح في ناس تذم السي ال اس ماشي مكان و غيره ترا تصميمه كوووبي و اكيد من ورا السيتات بتكون ضيقه بس هالموتر للشاااااااب ماتنفع للمتزوجين اذا متزوج خذلك الاس مساحه اكبر
    بس اذا بعدك طبعا السي ال اس ابرك لانك مابتركب عااايله ويااك

  3. من اجمل السيارات اللي نزلت و لا زالت حلوة و جذاابه بتصميمها و تحس نكهة يديده عالسيارات روعه هالموتر
    الابيض تماااااام بس عنا واحد في الفريج عنده سي ال اس حاط عليها كت Amg و لونها نحااسي والله خباااال غير الموتر طالع مميز يلفت الانتبااه هاللون ويالكت
    طبعا ال500 احلى لانه دايما تبا تحس براحه بالسواقه عليك بال8 سلندر خاصه المواتر اللي شرات السي ال اس
    خل ال6 سلندر للبنات لانه مايحبن السرعه خخخخخخ طبعا ماقلل من جيمة ال6 سلندر بالمره بس ال6 زين و مكينتها حلوه و فيها عزم لانها 350 تعدلت و موفق ربيعك في الموووتر

  4. مرحبا اخوي

    انا املك سي ال اس 500 وعليه كت ايه ام جي وصار لي زمان استعمله
    انا من رأيي انا لا تاخذ الا 500 لانه عزمها اقوى وتحط عليها كت ايه ام جي مب شرط في الوكالة يمكن غالي شوي روح كوجك وبيصير الموتر شكله وحش و روعة ولا تنسى الصيانة الدوريه للسيارة واي سيارة هو اللي يخليها تدوم وبعد انته طريقة استعمالك للسيارة .. هذا مجرد رأيي الشخصي وحسب استعمالي لها

    الله يوفقك ….

    هاي صور سيارتي …

  5. عزيز وغالي يا راعي اللكزس ونحن في الخدمه ..

    اذا الريال في العشرينات وما عنده عايله او متزوج ف خله يتوكل وياخذه .. الصراحه موتر شخصيه وخرابات انسى .. بس خله يسوقه سواقة حشمة عسب تعيش وياه كمن سنة جدام ..

    ولا تنسون تملحون الموتر عن العين

    ومبروك مقدما ..

    تسلم والله .. وانت غالي وعزيز أخوووويه ..

    بنحطي كيس ملح في الدبة .. ههههههه

    الله يبارك بحياتك يالغالي …

Comments are closed.