εïз الشمندر εïз

9 thoughts on “εïз الشمندر εïз”

1. ,,

   مساكم الله بالخير

   
   
   يقول الشاعر ..العقل السليم في الجسم السليم ..

   ويقول شاعر آخر ..أسأل مجرب ولا تسأل طبيب ..

   قبل أربع سنوات تقريبا كنت طالبه بالجامعه وكان كل همنا كبنات بهاك الوقت المظهر الخارجي لأجسامنا قبل الصحه ..
   كانت معانا طالبه ماشاء الله بشرتها صحيه متورده مع انها سمراء .. سألتها شالسر وقالت لي أن والدتها تجبرهم من صغرهم على أكل الشمندر (البنجر )
   وسالتها عن طريقة والدتها وماقصرت جابت لي كل الوصفات..

   وقراءت عن الشمندر وتشجعت أكثر ومن هاك الوقت للآن لا تخلوا سفرتي من سلطة الشمندر ..

   

   …
   
   واليوم على الغدا كنت مسويه السلطه وفكرت بكتابة الموضوع وصورت لكم السلطه ..
   
   والله يشهد أنه للفائده فقط ..
   
   …
   
   

   مقادير السلطه ..
   
   (شمندر + بصل أخضر + كسبره +فص ثوم صغيييييير + زيت زيتون +فلفل اسود +ليمون )
   
   الطريقه ..
   
   *يسلق الشمندر بقشره حتى يصبح طري (راح يطول بالسلق واختبروه بالشوكه وضروري يكون طري) ويقشر ويقطع شرائح طويله ..

   *يوضع عليه البصل الاخضر والكسبره المفرومه ..
   
   *يدق الثوم جيدا ويخلط مع زيت الزيتون والليمون والفلفل الاسود ويصب على السلطه ..
   
   بيكون طعمه لذيذ وشكله شهي ..
   
   ….
   
   وفيه طريقه أخرى ..
   
   أنه يسلق ويقشر ويقطع دوائر ويوضع بصحن تقديم وترش عليه التتبيله ويزين بالكسبره ..
   
   

   وبالهنا والعافيه عليكم ..

   …

   ومن فوائد الشمندر ..

   **يصنف الشمندر من الخضروات اللي تحتوي على أحسن مكونات لحماية الخلايا ضد التطور,أمراض القلب والدوره الدمويه ,السرطان .
   وأمراض الشيخوخه ..

   **والشمندر مصدر جيد للكثير من الفيتامينات ( A , K ,B2,B9 , الحديد , النحاس)
   
   
   
   **شرب كوبين من عصير الشمندر في اليوم يساعد في خفض ضغط الدم للمستوى الطبيعي ..

   **يساعد على التخلص من فقر الدم وينظف الكبد والكلى وجميع الغدد الجنسيه ويفيد المصابين بالسل والسرطان والتهاب الاعصاب
   والامساك والبواسير ..

   **اما فائدته الجماليه فهو يورد البشره ويطريها ويزيل قشره الراس اذا مااستخدم
   ماءه مع الخل لغسل فروة الراس ..

   ….
   
   وهالمعلومات مختصره وللأستزاده أسألوا الشيخ قوقل طال عمره وماراح يقصر معاكم ..

   ملاحظه ..
   
   عند شراء الشمندر يفضل شراءه من سوق الخضار مب من السوبر ماركت بيكون أفضل وشراء كميه كبيره لانه يظل طازج
   بالثلاجه لمدة شهر او اكثر ..

   ..

   

   دمتم بود

   أختكم

   

   ,,

   ليش يسونه عصير

   اول مره ادري

   من باجر ان شاء الله

   بارك الله فيج يا روعة

   صراحة موضوعج روعة

   

   __________________

2. شكرا ع المعلومات والوصفه الطيبه

3. ماشاء الله عليج كفيتي ووفيتي ..

   مع اني ما احب طعمه احسه حااامض بس صرااحة اتشهين الواحد بوصفاتج يا شيييف ر>> لا لا مو رمزي شيف رووعة ^^

   واحلى شي التتبيلة صراااحة . جاااري التطبيق

   بس الشيخ قوقل يطول بعمره ما يقصر ها هههههه

   تسلمين يا روووعتي >>ادلعج

   ومرة ثانية امي تقولج طرشي صوبنا .. >> =)
   .
   .

   هههه ياكسوفي

   ياهلا وغلا بالغر منوووره موضوعي

   وأنا بعد بالبدايه ماكنت أستسيغ طعمه لكن جربي السلطه وبتحبينه

   وحنا الحريم لو يقولون لنا شي يزين البشره لو كان علقم بنبلعه في سبيل الجمال

   وفوائده كثيره وخصوصا الحين كل شي صار مضر ويسبب أمراض خبيثه

   ودرهم وقايه خير من قنطار علاج..

   وقوقل الله يطول لنا بعمره لو نبوس راسه وايده مانوفيه حقه ..

   تخيلي النت بدون قوقل وتخيلنا بدون قوقل ؟؟!!

   وسلمي على الوالده الله يحفظها وتآمر أمر لكن بيوصل مخلل شمندر بس مايخالف

   المهم الفايده ..هههه

   …

   __________________

4. ما فيج حيلة أختي روعه…ماشاءالله عليج

5. ماشاء الله عليج كفيتي ووفيتي ..

   مع اني ما احب طعمه احسه حااامض بس صرااحة اتشهين الواحد بوصفاتج يا شيييف ر>> لا لا مو رمزي شيف رووعة ^^

   واحلى شي التتبيلة صراااحة . جاااري التطبيق

   بس الشيخ قوقل يطول بعمره ما يقصر ها هههههه

   تسلمين يا روووعتي >>ادلعج

   ومرة ثانية امي تقولج طرشي صوبنا .. >> =)
   .
   .

Comments are closed.