~*¤®§ (*§ هل هناك سياحه داخلية ؟؟؟ §*) §®¤*~

19 thoughts on “~*¤®§ (*§ هل هناك سياحه داخلية ؟؟؟ §*) §®¤*~”

1. مايحتاي دليل الفنادق ياخوي الحين تقدر عن طريق النت تبحث وتحجز وكل شي

   أنا بدر لك على طلبك هذا .. دقايق وبراويك الأسعار المعروضة :

2. 
   وعليكم السلام ورحمة الله وبركاته

   وكل عام وانت بخير ياخوي

   والله يديم الألفة والسعادة عليك وعلى أسرتك الكريمة

   موضوع السياحة الداخلية موضوع قيم ومتشعب

   بس دام انك حصرت الموضوع في رغبتك بالتمتع بإجازة العيد ومقارنة الأسعار والخدمات الأنسب لك

   ممكن تشرح لي كلفة العشرين ألف لمدة أربعة أو خمسة أيام في شو بتروح بكثير من التفصيل لطفا

   لأن أنا حاب أسوي سياحة داخلية بعد واذا الأسعار بهالصورة كلنا بنشرد

   وانت بألف خير وصحه وعافيه

   بخصوص الحسبة ياخوي احسبها من الألف للياء

   البترول 250 درهم
   السكن الشاليهات اسعارهم ما بين 1400 الى 5000 درهم وبنقول 2500 بالليله
   خمس ايام = 12500 درهم ( شامله الضرائب )
   الأكل معدل يومي فطور وغدا وعشا600 درهم يوميا بالبوفيه
   خمس ايام = 3000 درهم
   يمكن تيوع آخر الليل او البنيه تتعبث بالكاكاو مال الغرف وتراه غالي
   مصاريف الغرفة لخمس ايام 1000 درهم

   والله طلعنا واشترينا اغراض بسيطه واكل خفيف
   نثريات 1000 درهم

   250 + 12500 + 3000 + 1000 + 1000 = 17750 درهم

   هل معقوله اصرف مبلغ وقدره 17 الف درهم خلال خمس ايام فقط عشان اجازة العيد ؟

   طبعا اخترت فندق فخم لأن غالبية الفنادق البسيطه قد تكون فيها مشاكل من ناحية الازعاج والدق آخر الليل من خوصه وربعه ولا تنسى انها طلعه عائلية ومب طلعة شباب ولهالسبب كلنا حريصين على راحتهم

   الراتب نزل وعلى هالحسبة اذا ماعندي ولا قسط بنكي نص راتبي بيروح خلال 5 ايام

   خذ دليل الفنادق واتصل على الشاليهات الفخمة بدبي والفجيرة وبتعرف الاسعار الحقيقية

   والله يوفقك ان شاء الله

3. ههههههههههههه .. زين سويت .. ابركلك .. عاد اذا بتسك موبايلك .. ليش تقول ماليزيا خربانه خربانه قولهم سويسرا ههههههههه امزح موفق اخوي

   كنت افكر واقول سويسرا بس عقب قلت اكيد بيعرفون لأن الجو بسويسرا الحين ما يساعد
   يقولون لاهوب ورطوبه
   خخخخخخخخخخخخخخ
   وبعدين نحن مب ويه سويسرا
   حدنا صلاله
   ونسير لها بر بعد

   خخخخخخخخخخخخخخخ

4. وجواب على سؤوالك نعم هناك سياحه داخليه وهي غير مكلفه

   اهم شي التخطيط وليس التبذير

   مع احترامي بس البلغ مبالغ فيه

5. 
   كنت ابا اسوي مفاجأه لزوجتي وبنتي واحجز شاليه في دبي او الفجيره لمدة 4 او 5 ايام

   طلعت الحسبة تقريبا ما بين 16 الى 20 الف درهم
   

   وعليكم السلام ورحمة الله وبركاته

   وكل عام وانت بخير ياخوي

   والله يديم الألفة والسعادة عليك وعلى أسرتك الكريمة

   موضوع السياحة الداخلية موضوع قيم ومتشعب

   بس دام انك حصرت الموضوع في رغبتك بالتمتع بإجازة العيد ومقارنة الأسعار والخدمات الأنسب لك

   ممكن تشرح لي كلفة العشرين ألف لمدة أربعة أو خمسة أيام في شو بتروح بكثير من التفصيل لطفا

   لأن أنا حاب أسوي سياحة داخلية بعد واذا الأسعار بهالصورة كلنا بنشرد

Comments are closed.