ماعرفت وين انزل الموضوع
…
لاهو بيع وشراء ولا هو تجاري
فقلت انزله بالعام وعقب المشرفين يتصرفون
….
يعتبر سوق الفواكة والخضار بالعوير من اكبر الاسواق الخليجية والعربية لإستيراد وتصدير الفواكة والخضار الطازجة فنقطة التوزيع للدولة تبدأ من هذا السوق
بشكل يومي يتم هناك بضائع لم تباع ولا تصلح للاستهلاك الادمي ويتم اعطائها لاصحاب الهوش بالمزارع وبشكل يومي ييون بعضهم ياخذون الخضار والفواكة للمزارع اللي عندهم وبعض الدريوليه يستغلون هالشي ويدفعون صاحب العزبة بيزات الاكل اونه مشترنها بفلوس ولكنها اصلا ببلاش
…
اللي يبا هالسوالف يخبرني
اهم شي ييب البيك اب وياه
يعني بتأكلون هوشكم ببلاش
لانكم تقدرون تاخذون بشكل يومي
اللي يبا يطرش لي رقمه برساله خاصة
وبرتب له حتى يقدر يطرش الدريول بالبيك اب بشكل يومي يشل اللي يباه ويروح
للعلم ببلاش ومابا شي
بس دعواكم لا اكثر ولا اقل
وهذا ايميلي للي مب مسجل بالموقع
انا قلت لاهل دبي والشارقة لانهم اقرب للسوق
بس اي شخص يبا من اي امارة انا حاضر
بس ماعندي سياره اوصل وجيه
تعال ييب البيك اي وشل
والسموحه منكم
اخوكم
ابو شوق
شكلك تتغشمر اخوي
هدا ماصار دجاج
لا عادي ولا يهمج
نعم عندنا نوع من انواع الدجاج
لونه اخضر
شكله كيوت بعد وعيونه تذبح
مكحله رباني
وقريبا بنييب الوان وردي وفوشي وعنابي
دجاج اخضر ؟؟؟؟؟؟؟؟
اعدرني اخوي تراني مب مواطنة علشان جدي ماعرفت شنويعني الهوش
الهوش نوع من انواع الدجاج
لونه اخضر ومأستك من فوق
اي نعم اختي
البهايم الله يعزج ويعز الجميع
جزاك الله كل خير اخوي
يش شنويعني الهوش؟ تقصد فيه البهايم ولا اسم تاني ؟