يعني ليش انحذف السؤال بلا صغرة ؟

Question

تحديث للسؤال برقم 1

صدق أو لا تصدق...........                                                                         اليوم جوات الصف ولكل أسف بتشعل نااااااار الحمدلله الله نجانا .............طييب ماشي رح بلش من الأول كنت لابسة سترتي الجديدة أوووووول لبسة كنت حاسة إنو في شي جواتي مو مرتاح حسيت إنو في شي رح يصير بس قلت لحالي يلا أنا مصلية الصبح بعدين يعني شو رح يصير جوات المدرسة ؟؟؟يلا ......... بس تتتتتت طلعت توقعاتي غلط :فاتت انسة القومية عالصف لابسة كعب الهم عافينا 10 سم ولييي بغض النظر عن هاد الشي مارح نقدر نغض نظر عن الوش يلي مو مبين منو شي لانو كلو مغطا بالبويا سوري مغطى بالميك اب                          لك المهم كنت واثقة رح يطلع اسمي على التسميع                               فجأة بينفتح باب الصف بفوت تلت بنات متأخرين عن الحصة وحدة دفشت التنتين طبت الأولى عالسوبيا (المدفأة)        وقعت تبع المازوت شعلت السوبيا        ما كنا حاسين لانو على أساس الحريقة صغيرة ههههههههه لك شو صغرها انسة القومية زتت حالها برات الصف على قولة المثل يا ربي حالي حالي والحمدلله تزحلقت بالكعب وراحت سطيح على خلقتها النار وصلت للسقف ولييييييييييييييييي شو أعمل ؟البنات عم يعيطو الدخان طالع انسة القومية عم تبكي كتبي عم يحترقو !!!!!شووووووووووووووو؟ يلا أحسن شي أعمل متل ما شفت بالتلفزيون رح دور على أقرب منفذ نجاة وإطلع ركدت برات الصف وصرت ناح السوبيا عندي حلين يا برجع وبمت خنق من ريحة الدخان يا بحترق مع المقاعد يا بهرب وبالفعل مرقت من جنب الناار بس للاسف خابت نزلت زحيط لناح السوبيا وتعبا شعري مازوت النار ناحي في حدا عم يدعس على ضهري في حدا عم يشدلي شعري البنات عم يعيطو ماعم اقدر قوم خلص رح موت أحسن شي      اتشاهد فجأة ..................................... سحبتني المدربة العسكرية ولحشتني برات الصف       النار حرقت المقاعد نزلت عالباحة البنات عم يبكو الدنيي قايمة طبعا بكيت يعني ما رح اكذب لك مو مشكلة كلو كوم وأوعييييي كوووووم تاني صرت كلي مازوت بس شو بدكون بالحكي خبطة صحفية لنشوف بكرا شو حيصير ........ وبدي قلكون كمان مشان هدول العلاكين يلي بيقولو انكون رح تشوفو شريط حياتكون فهاد كذب مارح تحسو بشي تطمنو مافي أسهل من هيك غمضي عيونك وموتي........ بس الغريب أنا ليش ما خفت ؟ليش ما عيطت ؟ ليش ما ..........؟......؟ كل شي كان غايب عن بالي ماعدا شي واحد....... يلا الحمدلله على كل شي بس الله لطف شكرا يارب شكرا الحمدلله اخر شي بدي قولو شكرا: لين شكرا بيان شكرا انسة راغدة والأهم سحقا لانسة القومية وللمديرة يلي كانت هربانة قبل حصتين