بسم الله الرحمن الرحيم .
احنا عقار من 8 ادوار, و احنا في الدور السابع , كل دور فيه 3 شقق
باختصار شديد, كان عندنا سخان كهرباء "اوليمبك" , لكن عمره الافتراضي انتهي و كان لازم نغيره. قبل ما نغيره, كانت المية السخنة اللى بتنزل منه كانت بتكون ساعات ضعيفة لكن سخنة اوي و لكن كنا
نتفادي المشكلة اننا نفتح المية الباردة عشان نوزن درجة الحرارة فكانت قوة المية تبقي طبيعية و ما فيها مشكلة.
غيرنا سخان الكهرباء و ركبنا سخان غاز "اوليمبك برضه" 10 لتر و ركبنا المدخنة و الغاز الطبيعي و كل شىء تمام.
ملحوظة : احنا عندنا حمام واحد فقط.
بعد ما ركبنا سخان الغاز, ابتدت المعاناه, فالمية السخنة في حوض الحمام معظم الوقت بقيت ضعيفة جدا لدرجه سخان الغاز لا يشتغل لكن مرات قليلة جدا تبقي قوية و السخان بيشتغل عادي.
لكن المية السخنة في حوض المطبخ عادة تكون قوية و السخان بيشتغل و ما في مشاكل. معظم الوقت تكون قوية و ساعات قليلة تبقي ضعيفة جدا.
المية السخنة في البانيو ساعات و ساعات برضه, ساعات تبقي قوية و السخان يشتغل, و ساعات تبقي ضعيفة و ما يشتغل السخان.
و اذا حولت حنفية البانيو للدش, السخان بينطفي علي طول . (معاناه والله ! )
و اذا شغلت الحنفية السخنة و المية كانت قوية و السخان اشتغل , و جربت تشغل الحنفية الباردة مع المية السخنة , السخان بينطفي !
اما الحنفية المية الباردة لوحدها مفيش مشاكل في احواض الحمام او المطبخ, تدفق قوي ما شاء الله في كل الاوقات.
انا مش عارف المشكلة فين , المشكلة مش ثابتة, ساعات تفيق لا باس به و ساعات تدفق ضعيف , كلمت حارس العمارة قالي الموتور كويس و لسه مغير البالونة من يومين .
و كلمت السباك قالي المشكلة من الموتور !
طب اصدق كلام مين ؟
هل ممكن يكون الموتور مش قوي كفاية انه يوّصل المية للدور السابع ؟
تفتكروا المشكلة من فين ؟!
شكرا لكم
تحديث للسؤال برقم 1
_ تحديث _
انا الحمد غيرت السباك و جبت سباك تاني شاطر و فاهم .
و قالي ان ده عيب مواسير اللى عندي و انها مصدّية
و كمان نصح اننا نركب المواسير البلاستك خضراء اللون .
المهم , هو شال الصدّي من المواسير و السخان شغال كويس الحمد لله
و
