تدرون اشسوت البويه ؟

Question

يا جماااعه بقولكم شي وصلني و مو قادره اصدقه .. أبيــــكم تقولون لي صج في جذي و الا قاعدين يبالغون .... السالفه بدت من وحده تتحرش بحبيبة بويه و المشكله انها ما كانت بويه هذي البويه معروفه باسم جراح أو ابوسعود و يقولون ان لها لحيه و اتسوي عوارض و انها معضله بعد ؟؟؟؟ المهم هذي البويه ( حسب ما وصلي " من الفضول اللي فيني عرفت عنها كل شي تقريباً )  انقلت من مدرستها بواسطه غصب عن امها و راحت لمدرسة حبيبتها عشان تكون معاها و اهي كانت آخر سنه لها بالثانويه < شكلها معمره < البويه هذي يقولون كانت دايم تقول للبنت اللي تتحرش بحبيبتها تبعد عنها بس البنت كانت معنده و راسها يابس و آخر شي يقولون ان بيوم كانت طالعه فيه البويه مع ليديتها عشان اتوصلها للبيت مرت من عند البنت اللي تتحرش بحبيبتها و اللي اهي سبق و ان حذرتها و قالت ليدية البويه ان بتتفاهم معاها ع شي اسمعتته امس و لما راحت مع بويتها للبنت و تكلمت معاها كانت البنت تتكلم بنفسيه و يقولون ان البويه قالتلها تكلمي عدل و ما ردت عليها البنت و صرخت البويه جراح و قالت بتتكلمين عدل و الا اشلون و لما قالت البنت شلون ياها البكس اللي كسر تقويمها ( البنيه كانت حاطه تقويم اسنان وعليّه ) طاحت فيها طق و ترفس و امسكت راسها قامت تطقه بالأرض :/ يقولون لين صارت الأرض دم و اختها كانت بدافع عنها و حبيبة البويه وخرتها جان تجر شعر ليدية البويه و صرخت رفيجة البويه و قالت ان حبيبتها انطقت :/ ياريتها ما قالت .. تدروووون اشسوت البويه ؟! هدت اختها اللي أغمى عليها من الطق و بعد ما نزف خشمها و حلجها دم راحت لأختها اللي انقضت عليها :/  ( انا شفت الفيديو بس كان بعيد مو حيل واضح ) المهم امسكت حبيبتها و دزتها بعيد و استلمت اخت البنت و جريها من شعرها " عشانها طويله محد قدر يجر شعرها " المهم اسحبتها من قمة راسها و نزلتها للأرض و دايسه ع ارقبتها و طايحه بالبنيه ترفس لين كاسره حوضها ؟؟؟؟؟ و المشكله ثاني يوم داومت و ما كأن امسويه شي و حتــــى ماااااااافيها و لا خدشه ولا ولا شي كلش و حبيبتها فيها خدش صغير بعينها بـــس ! المهم ان البنات ارفعوا قضيه ع البويه مع تقارير طبيه ان كسور بالحوض و الفك و ..و ...إلخ. يقولون السالفه فجأه تصكرت من غير علم و البنات اسكتوا فجأه بعد ما كانوا يهايطون ع البويه < شكلها البويه عندها واسطات قويه < لأن القضيه تصكرت و الاداره ما سووا شي و افصلوهم كلهم بس يومين ( المفروض بس البويه ) بس اللي كلتها أكثر البنت و اختها لأن الكل وقف مع البويه !!!! بس معقوله تكسر البنات عشان ما تكلموا عدل مع حبيبتها ؟! و هل هالشي حقيقي !!!