اذا اردت شئ بشده .... فاطلق سراحه
فان عاد اليك فهو ملكك....
وان لم يعد فهو لم يكن لك من البدايه....
الجمله دي قالها اسامه منير ف فيلم ظرف طارق
انا مش معاها الجمله دي
اذا اردت شيء بشده ....
ايه اللي هيعمنعك انك توصل ليه
ليه متسعاش عشان توصلو
اردت مش من اراده !!
فين ارادتك ؟
اطلق سراحه !!
طيب ليه تسيبه و هوا كان ف ايدك او قريب منك ف الاول ؟
تسيبه و تقعد تستناه يرجعلك تاني
فان عاد اليك فهو ملكك
هوا ده اللي احنا بنحبو !! الطريق السهل دايما
نسيبه يضيع من ايدينا و نشوف ضياعه بدمنا و مشاعرنا و قلبنا و تفكيرنا
و بعدين نقعد نستناه يرجع تاني من غير أي مجهود مننا
و الا فلم يكن لك من البدايه
فعلا تستحق انك تخسر حلمك
لانك مبذلتش مجهود عشان توصلو
و اخترت دور المشاهد من غير ما تشارك ف احداث تحقيق الحلم ده
انا بقول...
اذا اردت شيء بشده .... ابذل كل طاقتك عشان توصل ليه
و على قد اصرارك و مجهودك هتوصل لحلمك
و اكيد كل حاجه بمشيئة الله سبحانه و تعالى
مش عارفه انتو معايا ف كلامي ده ولا لا ؟
و الاختلاف ف الرأي لا يفسد للود قضيه
