بادور على شقة صغيرة فى مدينة نصر حتى لو اوضة او اوضتين وحمام نقدر نقعد فيها لما نكون فى القاهرة.. بس عايزينها جاهزة للسكن ومتشطبة وتكون فى منطقة كويسة
وما تكونش فى دور عالى الا اذا كان فيه اسانسير.. مش حيبقى معانا عربية فمش عايزينها فى حتة مقطوعة قوى.. انا بدور اونلاين على الشقق وعايزة اخد رأيكم فى الاماكن دى:
1-مساكن شروق النادى الأهلى.. فى حدود 3000 المتر؟
2-زهراء مدينة نصر... فى حدود 2000 المتر؟
والسؤال: هل المناطق دى كويسة؟ وهل السعر مناسب؟ ويا ريت لو حد يعرف مكان تانى فيه شقق سعرها كويس يقول عليه بس ما يكونش عزبة الهجانة والعمارات اللى طالع لها قرار إزالة..
وشكرا وجزاكم الله كل خير
