اولا بطاقة الائتمان او (credit card) دية من نوع من انواع البلاستيك كارد (يعنى البطايق البلاسيك) حاجة كدة زى بطاقتك الشخصية بس
بمواصفات مختلفة
الاول كدة يعنى اية بلاستيك كادر
هى عبارة عن بطاقة مصنوعة من البلاستيك ولها انواع كتير باستخدمات كتير .........طيب اية انواعها
1-بطاقة الخصم debit card
2-بطاقة الائتمان credit card
3-البطاقة المدفوعه مقدما prepaid card
'طبعا هتسالنى اية الفرق بين الثلاث انواع
ا1-بطاقة الخصم
ودية عبارة عن بطاقة بتمثل رصيدك فى البنك يعنى مثلا انت معاك10000 جنية مصرى وحبيت تحطهم فى البنك وفتحت بيهم حساب...........تمام كدة.........فى نفس الوقت انت مش عاوز تتعامل مع الموظفين ووكمان بتتعامل
ديما بالليل فى شغلك وبتحتاج فلوس بالليل اثناء ما البنك قافل فبتقوك سيادتك رايح البنك وتقولهم عاوز اطلع بطاقة خصم debit card على الحساب بتاعى ومن خلالها تقدر تسحب المبلغ اللى انت عاوزة من الرصيد اللى
حضرتك فتحته فى البنك فى اى وقت حتى والبنك قافل من اى مكينة صراف ألى اللى بنشوفها فى الشوارع.
(الخلاصة:انك معاك بطاقة بتسحب بيها من مكينة صراف الى فى اى وقت بدل التعامل المباشر مع البنك)
2-بطاقة الائتمان
ودية قصتها كبيرة ولكن انا هديك المختصر المفيد
حضرتك راجل محترم وشغال شغلانة محترمة وبتقبض مرتب كويس فتروح البنك وتقولهم عاوز اطلع بطاقة ائتمان طبعا الاسم واضح البطاقة اسمها بطاقة ائتمان يعنى بتاخد قرض طيب القرض كدة ظروفه اية
انت سيادتك فى الاول البنك بيدرس الملائة المالية بتاعتك وبعد كدة بيحددلك سقف ائتمانى ولنفترض ان البنك حددلك سقف ائتمانى15000 جنية يبقى هيتفتحلك حساب قرض باسم بطاقة الائتمان كانك بتسحب منه بالبطاقة طيب
هسحب ازاى ؟؟؟؟؟؟؟؟؟؟؟حضرتك نازل تعمل شوبنج ومش عاوز تشيل فلوس يبقى تاخد الكريدت كارد بتاعتك وتطلع على كارفور مثلا تشترى اللى انت عاوزه وياخد منك البطاقة (بطاقة الائتمان)ويخصم منها حساب المشتريات طيب
هتقولى اصلا البطاقة مفهاش فلوس هقولك ما انا عارف انت دلوقت كانك استلفت فلوس من البنك طيب هتقولى هردها امته للبنك هقولك قدامك 45 يوم ترجع فيهم الفلوس للبنك من تاريخ اول شراء وبعد 45 يوم لو مدفعتش
بيبدا يعد عليك فوايد !!!!!!!طيب ياترى فى خلال ال45 يوم اللى فى الاول هل البنك بياخد فوايد هقولك لا طيب واية المصلحة ان البنك يسلفنى فلوس لمدة45 يوم من غير ما يكسب منى فوايد هقولك الموضوع اكبر من كدة
...............زى ما تقول كدة البنك بيجر رجلك فى الاول علشان يحقق اللى هوة عاوزة ....................طيب البنك عاوز اية..............
البنك لما بيديك بطاقة ائتمان هيكسب الاتى:
1-مصاريف وعمولة فتح حساب ائتمانى(بتاع بطاقة الائتمان)فى الغالب مش بيبقى كتير يعنى نقول20 جنية ولا حاجة بس فى الكمية بيجمع فلوس كتير
2-بعد كدة بيجر رجلك لقرض شخصى قرض سيارة قرض شقة والكلام دة
3-حضرتك دلوقت بقيت عميل فى البنك يعنى لو بقيت غنى شوية ولا حاجة طبعا هتفتح عندهم حساب جارى او حساب توفير وهكذا
كل الكلام دة البنك بيستفيدة منك مقابل خدمة صغيرة باديهالك
(الخلاصة:بطاقة الائتمان عبارة عن قرض البنك بيمنحهولك لمدة معينة بدون فوائد وبعد انتهاء المدة بيبدا يعد عليك فوايدوطبعا صرف القرض بيتم من خلال البطاقة البلاستيكية دية(بطاقة الائتمان)
3-البطاقة المدفوعة مقدما
دية بطاقة برضو بلاستيك بتدفع قيمتها مقدم للبنك زى ما هو واضح من اسمها يعنى مثلا بتروح بنك مصر وتقوله عاوز اطلع بطاقة مدفوعه مقدما هيقولك عاوزها بكام تقولة مثلا بخمسين جنية تدفع الخمسين جنية +مصاريف
البطاقة (فى الغالب10 جنية) وبتاخد البطاقة و بتعمل بيها اى حاجة وعلى سبيل المثال انك لو عاوز تشترى حاجة من خلال النت بتطلع البطاقة دية وتشترى بيها اللى انت عاوزة
هتقولى طيب ما انا استخدم البطاقة الاولى اللى هية(بطاقة الخصم) واهو بكدة انا بسحب من حسابى هقولك لو انت خايف مثلا من شركة نصابة فى النت انها تسرق فلوسك ممكن لما تحطلهم الاسم ورقم البطاقة يسرقوا منك
الحساب كله انما البطاقة المدفوعه مقدما بتبقى على مزاجك كدة يعنى عجبك تى شرت مثلا ب150 جنية مثلا على النت وعاوز تشترية وانت خايف تستعمل بطاقة الخصم بتاعتك علشان فيها مثلا 50000 جنية فتعمل اية
؟؟؟؟؟؟؟؟؟؟؟تروح البنك تطلع بطاقة مدفوعه مقدمة وتشحنها ب150 جنية بس وتروح تشترى التى شرت ومبروك عليك التى شرت
كمان لو عاوز تدي البطاقة دية هدية لخطيبتك او زوجتك او والدتك ممكن تشحنها باسمهم ومش شرط تروح البنك ومعاك الشخص اللى همتلك البطاقة؟؟؟؟لا ......لا انت ممكن تطلعها باسمة من دون علمه وتقدمهاله هدية وطبعا
انت وكرمك بقي شوف عاوز تشحنها بكام واشحنها ........
بس يا سيدى دة انواع البطايق الموجودة
ثانيا ATM
بكل اختصار دية اله الصراف الالى الموجودة فى الشوارع ودية اللى بتصرف منها الفلوس عن طريق البطاقة اللى معاك اى كان نوعها
وهية اختصار ل (ATM( ِِAutomated Teller Machine
طبعا نست اقولك فى شركات عالمية مسؤلة عن تنظيم الحركات بين المكينات دية ومن اشهرهم فيزا وماستر كارد وهما دول المسؤلين عن ربط الشبكات ببعضها ومكينات الصراف الالى بين البنوك وبعضها
اسف على الاطالة
واتمنى انى اكون شرحت الشرح الوافى
