ركز معايا كويس،،،
مصر فيها جامعات كتير، زي جامعة القاهرة و جامعة اسكندرية و جامعة عين شمس و جامعة حلوان و جامعة المنصورة و غيرهم كتير، بالإضافة طبعاً للجامعات الخاصة... ماشي الكلام؟؟
كل جامعة من دول، بيتبعها كلية هندسة واحدة على الأقل، أحياناً ممكن تلاقي جامعة بيتبعها أكتر من كلية هندسة، زي جامعة حلوان، ليها كلية هندسة في حلوان و كلية هندسة في المطرية...
المهم، كل كلية هندسة بقى بتشمل مجموعة من الأقسام و التخصصات...
بس بالنسبة للمجموع، كل كلية هندسة بتاخد من مجموع معين، و مبيفرقش المجموع ده من تخصص أو من قسم لآخر، لأن التخصص مابيبقاش في السنة الأولى... يعني كل الناس بتقعد تدرس مع بعض أول سنة في الكلية و السنة دي
بيسموها "إعدادي هندسة"... و بعد كده بقى بييجي التخصص في السنوات التالية...
كل كلية هندسة بتاخد من مجموع بيفرق عن كليات الهندسة التانية، لكن بصفة عامة الفرق مبيبقاش كبير أوي... ما عدا كلية هندسة البترول و التعدين في السويس، دي غالباً بتاخد مجموع عالي أوي لأنها الوحيدة في مصر
اللي بتدرس التخصص ده...
بحسب ما أتذكر، متوسط المجموع اللي بتاخده كليات الهندسة بيكون من حوالي 94% إلـى 96% تقريباً، هندسة البترول و التعدين في السنين الأخيرة أصبحت بتاخد من 98 أو 99% أحياناً...
بالنسبة لهندسة الديكور، فأعتقد ده تخصص في كلية الفنون التطبيقية و لا يتبع كليات الهندسة و الله أعلم...
