السلام عليكم ورحمة الله وبركاته
شحالكم كلن في حاله
اليوم يت ويبت لكم فكره وهيه عبارة عن عمل دورات تدربية نفيد فيها غيرنا ونستفيد نحنا فيها بعد
ونزلت الموضوع في قسم الاقتراحات وقلت بنزل هنيه الفكره بتفصيل شوي
الفكره عباره عن تاسيس مركز تدريب عدنا في ها المنتدى يختص بتعليم بعض الامور والاشياء الي نحس بانه غيرنا راح يستفيد منها ومنها نستفيد نحنا ونقوي خبراتنا
الدورات كثيرة وهيه بتكون عن هواية او شو الي يميل له العضو او شو في خاطره يتعلم
– يعني انا عندي شهادة برمجة ومعالجة المعلومات بالكمبيوتر اعرف اغلب الامور الي تخص الكمبيوت مثل الانترنت والاوفس وفيه ناس وايد مثلي وبعض الاعضاء ودعهم يعرفون كل شي يخص الكمبيوتر ويمكن نسوي دورة ICDL ونعلمهم بعد كيف يستخدم البورنيت والاكسل وغيره من برامج الكمبيوتر.
– شخص هوايته التصوير يعلم الاعضاء عن اساسيات التصوير والي يحس انه يميل للتصوير ممكن يشارك وياه ويتعلم الامور الاساسية ويتعلم طريقة التصوير خطوة خطوة علشان يحترف ويكون مصور بمعنى الكلمة.
– شخص يحس انه يجيد اللغة الانقليزية يمكن يكون مدرس لبعض الاعضاء ويعلمهم اللغة.
– شخص يحب يستخدم برنامج الفوتوشوب يقدر يعطي دروس في الفوتوشوب ويعلم الاعضاء فن التصميم.
– وحده تحب شي اسمه طبخ تقدر تعلم الاعضاء كيف يطبخون.
– شخص يحس عمره يحب التزين وغيره من الامور يقدر يعلم الاعضاء ها الشي.
– دورة لحفظ القرآن الكريم.
– دورة كتابة التقارير.
– دورة في التحليل (لقسم الاسهم والمحللين عدنا ما بيقصرون).
– دورة في البيع والشراء.
– دورة في كيفة بداية مشروع.
– دورة في في الكتابة السليمة.
والدورات كثيرة لا تحصى ولا تعد وانا فوق ذكرت اشياء على الماشي.
هنيه ابغي الي يدخل ما يقول شكرا وجزاج خير
ابغي يقولون حقنا هو شو اهتمامه وشو من الاشياء الي يحس انه يبغي يتعلمها لو شو ما كانت بدون ما يحس باي نوع من الخجل لانه نحنا ما ظهرنا من بطون امهاتنا وعارفين بكل شي, بل تعلمنا سواء بنفسنا او مساعدة من غيرنا.
انتوا قولوا شو في خاطركم وشو تبغون والادارة ما راح تقصر ويانا والدليل رد الغالية سميا واخوي كبير يعني الفكره عيبتهم والدور علينا نحنا نفعل
فمن يحس بنفسه بانه متقن شي ويحب يعلم غيره ويطور من نفسه او شخص وده يتعلم شي بس الوقت ما سمحله او انه ما حصل حد يشجعه ترانا كلنا هنيه على قلب واحد ونحنا نفيد ونستفيد
وانا تراني قلت حق هاي الفكرة حق مديري في الدوام ورحب في الفكرة وبادين في العمل عليه بعد تخصيص وقت مناسب وايام تكون خاصه فينا بدون العمل ومنها تنمية هواية باتت شبه منسية بسبب ظروف خارجه عن ادارتنا
وفي ختام موضوعي اشكركم لاني بدونكم ما كنت بيب هاي الفكره واني كتبتها لاني صدق ودي استفيد وافيد
تحياتي لكم جميع بدون اي استثناء
اختكم
بنت الأمارات
الحمد الله انه الفكره نالت رضاكم
واتريا ردود باقي الاعضاء
شكرن جزيـلا أختي بنت الإمارات
فكـره حلوة …. وصراحة نحن بحاجه لمثل هذه الدورات
ونستفيد شوي من وقتنا
بالإضافه للدورات اللى ذكرتيها
أنا خاطري أتعلم ببرنامج الفــلاش
وممكن بعد نسوي دورات Ielts
و
Toefl
السلام عليكم ورحمة الله وبركاته ,,,
الصراحه أول شيء الفكره اكثر من رائعة وثاني شيء انا أول واحد بشترك بجميع الدورات ..
وثالث شيء فكرة اخونا كبير المستثمرين عن فتح قسم للدورات ممتازة جداً ..
وأخيراً اتمنى للجميع التوفيج والتقدم والإزدهار ..
فكره رائعه اختي .. فعلا و بهالطريقة ممكن يكون مرجع
و للفائده يكون الموضوع خالي من النقاشات الجانبية بحيث يكون كل مشاركة اما معلومة او سؤال
عن نفسي حابه اتعلم التصوير ..
فكره ممتازه جداً
وممكن نفتح قسم خاص بالدورات نسميه معهد منتدى الامارات ويكون القسم محمي بكلمة مرور تعطى للمشاركين في هذه الدورات فقط
بالنسبه لي فكره جميله اشجعها
وننتظر المزير من اراء الاعضاء
شكرا اختي uae_girl2000