• أيام الشَعر المنكوش والريول الحافيه وشريط الذكريات ..

19 thoughts on “• أيام الشَعر المنكوش والريول الحافيه وشريط الذكريات ..”

1. موقف ثالث

   اذكر مرة فرمضان امي عطتي صحن فيه أكل أوديه للجيران
   وقالت لي : جبيه فالطريق انزين ؟
   هي قصدها ياويلج لو جبيته وانا مسكينه ع نياتي
   طلعت من البيت مشيت كم خطوة و جبيته برع !!

   رديت البيت الصحن حتى مب مغسول
   استغربت قالت لي عطيتيهم ؟
   قلتلها لا
   جبيته برع

   البكس كان بينقع بس ابوية دافع عني لني مب غلطانه

2. يالله… ما أحلا ذيج الأيام

   أذكر سالفة استوت لي يوم كان عمري 8 سنوات تقريبا والسالفة كانت في بيت يدي.

   هذاك اليوم كانت أمي عازمة ربيعاتها من كل مكان ومسوية لهم غدا في ميلس يدي. المهم أنا كنت صغير ويالس أدور لي شغلة أتسلى فيها (من كثر الملل).

   المهم طاحت عيني على وقاية زوجة يدي الرابعة فقلت في خاطري:

   “” ليش ما أحرق الوقاية الي في الممر وأرد أطفيها بريلي مثل ما يسوون في الرسوم المتحركة”” (متأثر وايد).

   المهم حرقت الوقاية وجان تشب النار في الممر واحترقت كراتين الماي واركظ لا تركظ وينج يا الدرب.

   وأنا شارد والحريم كلهن يركظن وراي في الحوي يبغن يزخني ولكن تركظ ورا منو. والمهم آخر شي احتميت بيدي وجان يحظني الله يطول بعمره وايقول للحريم الصغيرون عندي ولا حد يمسه.. الله يطول بعمره. والله كانت ذكريات جميلة.

   مشكورة أختي ع الفكرة

   الله يطول بعمارهم و يخليهم لك اخويه
   والله مشاكل هالرسوم انا مرة بغيت انقز من الدور الأول للأرضي بـ مظلة أوني بقلّد سنبل
   بس الله هداني وماسويتها ..

   الحمدلله ع سلامتك ترى الرسوم مب زين لول
   والعفو مشكور ع المشاركه =)

3. ههههههههههه اكيد راسج ضرب فالكارونه مالت الدفريشن

   شو هاي كارونة ؟ أول مرة قريتها معكرونة لول
   انا ماهم فسوالف السيارات المهم اني انضربت فراسي

4. 
   ولللللللللللللل تحت السياره

   ومب مسامحتنه بعد !!!

   المفروض هو اللي ما يسامحج

   

   ===========

   انا ما صار لي اي شي يذكر

   يوم كنت صغنوني كنت سووكر وعسل وما اسوي مشاكل

   ايييوا من جي انت الحينه ملح و بصل و المشاكل كلها عندك

   وبعدين انا مسامحه الريال .. حرام ماكان قصده ..

   مجرّد حادث .. احم ,,

Comments are closed.