السلام عليكم ورحمة الله وبركاته
مثل ما شفتوا العنوان هذا اليوم سمعت في الدوام ومن كذا واحد
فيا اخواني شو تعليقكم في الموضوع
وما تلاحظون ان كلامهم صح
أنا معاكم يمكن الواحد يقول الحلال حلال والواحد حر
صح لان هو يفكر في مصلحته باع باع ما باع مو مشكله والمنتدى هل فكر في المنتدى
أكيد بحصل تعليق على الموضوع
بس بسال الاخوان شو رايكم في الاسعار وبالذات أهل المعارض
موضوع بستاهل الطرح
الكلام في نوع من الصحة لأن البعض قام يبالغ في سعر السيارة
لا والمشكلة انه يوم واحد يقوله سعرك غالي يعصب ويشط عمره
أنا اقول مثل ماانك تتقبل المدح والدعوات بالتوفيق ..لازم تتقبل النقد وراي المشاركين في المنتدى
يعني شو الفايدة من بعض الناس يحطون اعلان بيع سيارة ويحط سعر معين…
وبعد فترة رجع وفتح موضوع ثاني بنفس السيارة وكتب ((تعديل سعر))
هذا رايي في الموضوع والسموحة منكم
السلام عليكم ورحمة الله وبركاته
.
على فكره الاسعار مب بس غاليه
في قسم السيارات …
.
في قسم ارقام السيارات وارقام
الموبايلات وفي البيع والشرا
.
الكلام …صحيح 100% للاسف…
البعض يعرض سيارته بسعر خيالي..ولما تقول له ان سعرك غالي…يزعل…لا..والقهر يتم استبدال المشاركة بالكلمة المشهورة (( لك مني افضل تحية ))…بس ودي اعرف شيء…ليش يتم استبدال المشاركة…
طالما السعر غير معقول نهائياً وصاحب الموضوع عارف هذا الشيء…وموضوع البيع اخذ وعطا…يعني موترك عندك وفلوسي عندي… ليش يتم استبدال المشاركة ( هذا اللي قاهرني ) لا…ويطرش لك رسالة انه ( تم استبدال مشاركتك)….يعني ديمقراطية…لا انا غلطت في صاحب الموضوع ولا…تعرضت له باي عبارات او اشارة من قريب او بعيد…وطالما الموضوع عرض وطلب…ليش التدخل؟
عموما صحيح اني شريت كم سيارة وبعت على الاخوة كذا سيارة…الا ان للاسف….اشتهر عن الموقع المبالغة في الاسعار…وطبعا هذا ما يخص الادارة…كل من حر في حلاله..أن شاءالله يعرض موتره بــ مليون وهو ما يسوى الا 10 الاف ريال….بس لاحد يغير مشاركتي طالما كانت في حدود الادب والاحترام….بسبب ان هذا الشخص اللي غير المشاركة يعرف صاحب الموضوع والا لغرض في نفس يعقوب….
والا قولوا للناس…لا تساهمون معانا ولا تشاركون….
حرر لكي لا يخفى…..
والله من وراء القصد…
وعارف ان المشاركة راح تنحذف…
صدق اخوي يا راعي الموضوع
شفت نيسان موديل 1992 طالب فيه 24
ومدوديل 1995 طالب فيه 28
وين عايشين احنا
ما تمنى ما تزعل الاداره لكن انا غسلت ايدي اني اعرض شي في المنتدى، اولا لانه ما ينباع بسهوله ولا بسرعه ثانيا لاني بصراحه انزل من سعر السياره انقص من السوق ومع هذا يتصل واحد غلس ويقولك اسمحلي اخوي هذا الي اروم عليه ، تبيع ب ٥ دراهم ؟؟ جيه شو شاري انته؟؟ كتكات؟؟ ومناك فالحين يجبون ركبه عند مندوبين الوكالات يدورون سلفيات ويصيحون الدنيا غاليه.
مع هذا ادخل المنتدى عشان اطمش واشارك بس بيع وشرا؟؟ مستحييييييييييييييييل