الســلام

شوفوا موضوعي اذا حد منكم يروم بنفعني بشي الله لا هانكم زودوني بالاجابات الواو .. و مشكورين

http://satfrequencies.com/invest/uae358637/

مقابلتي باجر يعني ما بستفيد لو وصلتني ردوود بتاريخ 10-11 ..

و شكــرا ..

9 thoughts on “يارب حد يجاوبني قبل ما أسير المقابله باجر”

  2. السلام عليكم ورحمة من الله وبركاته ..

    اختي أنا رديت عليج في موضوعج في قسم الوظايف لكن الظاهر انتي ما انتبهتي على الرد أو يمكن أنا رديت متأخر ..

    عالعموم ..

    في البداية الله يوفقج اختي وإن شاء الله تكون الوظيفة من نصيـبج وتيسر لج أمورج وتنقبلين ..

    بخصوص إذا سألوج ليش اخترتي البنك ..

    تقدرين تجاوبين مثلاً : انه البنك في نفس الامارة اللي انا ساكنة فيها والمكان والوقت وظروف العمل بشكل عام مناسبة لج .. وتقدرين تضيفين أنه الوظيفة أو البنك مثلاً مناسب لتخصصج وأنج تحبين الأعمال الإدارية في البنك ..

    إذا سألوج عن نفسج .. حاولي تبرزيلهم مواهبج أو مهاراتج اللي لها علاقة بالوظيفة .. مثلاً قوليلهم أعرف استخدم الكمبيوتر وعندي الآي سي دي إل مثلاً .. أو قوليلهم عندي شهادة توفل أو آيلس .. وخبرة مثلاً في المكان الفلاني .. بالمختصر المفيد .. حاولي توضحيلهم الشهادات والمؤهلات اللي عندج .. وتبينيلهم أنج مناسبة للوظيفة ..

    أتوقع أيضاً بيسألونج أسئلة مثل : ما عندج مانع لو نقلناج لأفرع ثانية ؟ أو هل عادي عندج تداومين شفتات ؟ أو هل توافقين انج تاخذين دورات في أفرع أو معاهد معينه .. ومن هالأسئلة اللي لها علاقة بالوظيفة .. وحاولي أنج تجاوبين بشكل إيجابي وتردين بطريقة دبلوماسية ..

    احتمال كبير أيضاً يسألونج عن البنك بشكل عام .. مثل تاريخ التأسيس .. والخدمات وأماكن وجود البنك في الامارات و و و من هالاسئلة ..

    في النهاية .. لو قالولج عندج أي اسئلة .. لا تسألينهم عن الراتب .. وحاولي قد ما تقدرين أنج تعطينهم صورة إيجابية عنج .. ولو سألوج أسئلة استفزازية أو قالولج كلام ينرفزج .. حاولي تحافظين على هدوئج واعصابج .. لان معظم هاي الأمور الغرض منها انهم يشوفون شخصيتج وكيفية تعاملج مع الآخرين ..

    أخيراً .. حاولي أنج تكونين متواجدة قبل المقابلة بربع ساعة أو بـ 10 دقايق .. لحتى تعطينهم انطباع من البداية أنج مهتمه بالوقت .. وادعي الله قبل لا تدخلين المقابلة أنه يوفقج وييسر لج أمورج ..

    والسموحة .. وبالتوفيق إن شاء الله باجر .. وشدي حيلج ..

  4. شـكــ وبارك الله فيك ـــرا لك … لك مني أجمل تحية .

    لك بالدعاء لله .. والله يوفقك وييسر امرك … يارب

Comments are closed.