في يوم عاصف و هادئ و مترامي الأطراف، و عند تلاطم أمواج النهر بالسحاب المكفهر، قررت كل من “رد روز“، “ظبيانيه و بس” و “سهمي عالي” الذهاب للجامعه لشراء بعض الحاجيات المتعلقه بالصيد.
ههههههه، يالله، نرد للسؤال،
عند دخول المحل،
إختارن قطعه معينه (راديو مثلا) و كانت قيمته 30 درهم. قامت كل وحده و دفعت 10 دراهم فكان مجموع اللي دفعوه 30 درهما (و هي قيمة الراديو).
عند خروجهن من المحل، ناداهم صاحب المحل و قالهم إنه غلّط في السعر، و إن سعر الراديو 25 درهم و ليس 30. قام صاحب المحل و ردلهن الـ 5 دراهم. البنات الطيوبات إنبهروا بأمانة البائع، و تقديرا لأمانته، عطوه درهمين و تجاسمن الـ 3 دراهم.
الحين من هذا كله نستنتج،
كل وحده دفعت = 10 – 1 = 9 دراهم
البائع حصل على = درهمين
ولكن
مجموع اللي دفعوه (9 * 3) + 2 = 29
يعني، هم دفعوا 30 درهم في البدايه، بس عقب ما صار اللي صار، طلع اللي دافعينه 29 !
وين راح الدرهم ؟
اوووووووووووووووف
متعني, هذي طالبة اسئلة مرنة وسهلة على قولتها لأنها تعرفها
لا, وجاوبت عليه من سنين بعد
اللغز اللي ياي صدقيني مب مرن
انتظروني ………….
ما عليك، بنحطك فيه.
بس تبا إسمك فيه ولا موجه لك؟
اللغز الياي ابا أكون فيه هاها امزح
حليت اللغز يالشاطر ولا اسهل
يوووووه ذكرتني بما مضى
كان الوالد الله يحفظه دايما يسالنا مثل هاي الاسئله وكنت انا اشطر وحده من بين اخواني وخواتي ودوم اجاوب لني شطورة في الرياضيات طالعه عليه
هالسؤال سالني اياه الوالد من سنين وجاوبت عليه
المهم يا طويل العمر نحط في الميزان تسع تفاحات في كل كفه ونخلي 6 تفاحات على ينب اذا تساوت الكفتين معناته التفاحه بين ال 6 تفاحات ونستثني ال 18 تفاحه اللي في الميزان << الخطوه الاولى
نرد نحط 3 تفاحات في كل كفه وبنعرف التفاحه في اي كفه منهن وبعدين ناخذ الثلاث تفاحات اللي بينهن التفاحه الاخف ونحط تفاحه في كل كفه واذا تساون معناته التفاحه اللي ما حطيناها هي المغشوشه او بتكون وحه من اللي فالميزان
اما لو ما تساوت كفتي الميزان في هاي الحاله ناخذ المجموعه الاخف وزنا وبذلك بنستثني ال 6 تفاحات اللي خليناهن على ينب والتسع تفاحات اللي في المجموعه الاثقل وعرفنا ان التفاحة وحده من بين ال 9 تفاحات طبعا للحين استخدمنا خطوة وحدة وعدنا خطوتين
نحط 3 تفاحات في كل كفه لو تساون بتكون التفاحة من بين ال 3 اللي ما حطيناهن في الميزان واذا كفه وحده كانت اخف فمن بينهن التفاحه المغشوشه
الحين تمن عدنا 3 تفاحات من بينهن 1 مغشوشه نحط في الميزان تفاحه في كل كفه وبذلك بنعرف التفاحه المغشوشه
هااا شو رايك