في يوم عاصف و هادئ و مترامي الأطراف، و عند تلاطم أمواج النهر بالسحاب المكفهر، قررت كل من “رد روز“، “ظبيانيه و بس” و “سهمي عالي” الذهاب للجامعه لشراء بعض الحاجيات المتعلقه بالصيد.
ههههههه، يالله، نرد للسؤال،
عند دخول المحل،
إختارن قطعه معينه (راديو مثلا) و كانت قيمته 30 درهم. قامت كل وحده و دفعت 10 دراهم فكان مجموع اللي دفعوه 30 درهما (و هي قيمة الراديو).
عند خروجهن من المحل، ناداهم صاحب المحل و قالهم إنه غلّط في السعر، و إن سعر الراديو 25 درهم و ليس 30. قام صاحب المحل و ردلهن الـ 5 دراهم. البنات الطيوبات إنبهروا بأمانة البائع، و تقديرا لأمانته، عطوه درهمين و تجاسمن الـ 3 دراهم.
الحين من هذا كله نستنتج،
كل وحده دفعت = 10 – 1 = 9 دراهم
البائع حصل على = درهمين
ولكن
مجموع اللي دفعوه (9 * 3) + 2 = 29
يعني، هم دفعوا 30 درهم في البدايه، بس عقب ما صار اللي صار، طلع اللي دافعينه 29 !
وين راح الدرهم ؟
اذا يسمحلي اخوي متعني احط هذا اللغز في موضوعه (عسب ما نقلب المنتدى العام الغاز
)
امام الملاء 
ولا تتطلبين الغاز حلوة ومرنة مرة ثانية هههههه
وهذا اللغز موجه الى الاخت اماراتية ….
واذا ماعرفتيه اعلني استسلامك
شباب ….. بلاش قوقل وبلاش تغششونها …..
السؤال :
روحتي سوق الخضرة واشتريتي 24 تفاحة على اساس ان وزن كل تفاحة مساوي للاخر
الا تفاحة وحدة وزنها اقل عن الباقيات
كيف تطلعين هذه التفاحة المغشوشة ؟؟؟
عندج ميزان ابو كفتين وعندج 3 محاولات تستخدمين فيها هذا الميزان ؟؟؟؟
؟؟؟؟؟؟؟؟؟؟؟
تصدق عاد يا متعني انا ما قريت الاسئله كلها بس من قريت القانون الضوئي ما كملت تذكرت المدرسة ولاعت جبدي لوووووول
أهم شي، هدوء الأعصاب.
لا قريت كتب و لا شيات، أصلا أنا من تخرجت، نبذت شي إسمه كتاب.
و بعدين أنا حاط 3 أسأله بمستويات مختلفه، عشان الكل يشارك و محد يعترض.
تابعينا، و فاااااالج طيب.
وكيف يكون اسمه متعني لو ما حط هالاساله؟
بس دام بنطلع منها بفايده حلوه فخل يكثر منها
اشكر كل من مر على الموضوع وعلق
متعني اتمنى انك ما تتعنى وايد وتغوص فالكتب
واتيب لنا اسئله حلوه وسلسه ومرنه وحبوبه
اف ذكرتني بالمدرسه الله يهديك
هاي الاسئله مب اسئلة ذكاء هاي اسئلة دحاحين