في يوم عاصف و هادئ و مترامي الأطراف، و عند تلاطم أمواج النهر بالسحاب المكفهر، قررت كل من “رد روز“، “ظبيانيه و بس” و “سهمي عالي” الذهاب للجامعه لشراء بعض الحاجيات المتعلقه بالصيد.
ههههههه، يالله، نرد للسؤال،
عند دخول المحل،
إختارن قطعه معينه (راديو مثلا) و كانت قيمته 30 درهم. قامت كل وحده و دفعت 10 دراهم فكان مجموع اللي دفعوه 30 درهما (و هي قيمة الراديو).
عند خروجهن من المحل، ناداهم صاحب المحل و قالهم إنه غلّط في السعر، و إن سعر الراديو 25 درهم و ليس 30. قام صاحب المحل و ردلهن الـ 5 دراهم. البنات الطيوبات إنبهروا بأمانة البائع، و تقديرا لأمانته، عطوه درهمين و تجاسمن الـ 3 دراهم.
الحين من هذا كله نستنتج،
كل وحده دفعت = 10 – 1 = 9 دراهم
البائع حصل على = درهمين
ولكن
مجموع اللي دفعوه (9 * 3) + 2 = 29
يعني، هم دفعوا 30 درهم في البدايه، بس عقب ما صار اللي صار، طلع اللي دافعينه 29 !
وين راح الدرهم ؟
اخوي متعني … لا تخليني ارد عليك بديه رده
نحن الله يهديك باجازة وما نبغي شيء يغثنا
…
وسؤالك هذا يغثنا ….
فبالزين غير سؤالك
نبغي شيء ينعنش …
انزين
وشكرا مقدما
كيف يعني ما فهمتوا ؟
مثال،
رقم (مثل 1)، إذا يبتوا أي رقم مركب (مثل 343) يكون،
إذا مجموع الرقم المركب (يعني 3+4+3=10) يقبل القسمه عليه (اللي هو رقم 1 في هذا المثال) فالرقم المركب (اللي هو 343) يقبل القسمه عليه.
يعني،
بما أن 10 تقبل القسمه على 1، فـ 343 تقبل القسمه على 1.
طبقوا نفس القاعده على رقم 10 مثلا، بتلقون إن القاعده خاطئه.
المطلوب،
رقم ثاني غير الواحد تنطبق عليه الشروط. تقدرون تطلعون رقمين حتى، مب بس رقم.
صح شو السؤال !! كيف جي ؟؟ عيل على شو يجاوبون ؟؟
شو السالفه مافهمت السؤال
خلني أفهم السؤال أول ، بعدين بفكر في الإجابة