السلام عليكم ورحمة الله وبركاته …
اول شي كل عام وانتم بخير وعساكم من العايدي يارب …
تدرون اجازه والواحد وده يطلع من هالزحمه والتعب في دبي .. وناوي أسير العين …
اخر مره سرت العين يمكن قبل خمس سنين 
ودي أسيرها وخصوصا الفندق اللي على جبل حفيت ( اظن اسمه ميركوري؟ )
وين الاماكن اللي الواحد يقدر يسيرها في العين بهالاوقات وتصلح حق لعيال ؟
ومشكورين اخواني وخواتي مقدما …
من شفتك راد في الموضوع توقعت هالسؤال
بصراحه يوني ضيوف فما قدرت اسير لا يمين ولا يسار .. ومكانك سر في دبي .. لكن زين استفدنا .. وعلى هالاساس قررت ان الطلعه تكون في الويك اند الياي للترفيه عن أعضاء الشعب منعا لأي أعمال شغب أو إحتجاجات أو إعتصامات … هذا والله ولي التوفيق
خاطري في قوس قزح .. يعيبني بوفيهم
شو صار في الحلقه الأخيره ؟
وين سرت؟
اليوم الفجر مار عليه واخذة شي اسبشل من عنده بس يوم الجمعه ايسويه
مب زعلان ههههه
وبعدين اذا تبا مطعم اوريجينال في العين .. عليك بمطعم اليحــــــــــــــر .. مندي ومظبي تاكل اصابعك وراهم
سير مبزرة
سير حديقة الحيوانات الله يعزك
لاتسير العاب هيلي لانه بتلقاها تحولت الى مدينة العاب الهنود مش هيلي
سير العاب العين مول كارفور
وفقط ماشي اماكن ثانية وتمشي بالسيارة بالعين تراها تسر الناظرين