السلام عليكم بغيت مساعده اخواني و خواتي انا ناويه استقيل من وظيفتي لاسباب كثيره اولها ان تعرضت للسب من قبل موظفه ويايه في الدوام و ما ارديت عليها بنفس الشي اخلاقي ما تسمح لي علي طول سرت Hr عشان اشتكي و مع الاسف هم مب ماخذين السالفه بجديه ليش ………. بكل بساطه ما فيهم يعورون راسهم و قالولي ما عليه انسي ؟؟؟ عادي ترا احين الواحد ينسب
السبب الثاني عطوني وظيفه و هميه و اول ما واجهتهم قالولي كل شي مكتوب في الجوب ديسكربشن بس جيه عشان و ما عدنا وظيفه حقج يعني استقيلي بكل بساطه والله حالتي النفسيه تعبانه و الصحيه
السبب الثالث الدوام وايد طويل حق وحده عندها اعيال من ٨ لين ٥ والله اوصل البيت علي اذان المغرب
اتمني لو حد يقولي وين اقدر احصل وظيفه لين ٢ ونص و مكان مطور في نفس الوقت .
اسمحولي بثجل عليكم بس كله ولا كرامه الانسان
بنت السطان كفت ووفت..جزاها الله خير…
والمسامح كريم..
الله يعينج
بس لا تسكتين عن حقج
انا اقول المسامح كريم.. انسي موضوعها ولا تفكرين فيه وعادي ركزي على شغلج وانتي بترتاحين.. مب كل اللي يشتغلون وياج بيناسبونج واذا هيه سبتج اعتبريها ناقصه.. المهم لا تخلينها تأثر على شغلج وتطلعين بسبة مشكلة صغيرة مثل هاي..
أما اذا تفكرين تطلعين عشان وقت الدوام طويل هذا موضوع ثاني.. يعني انتي اصلا متضايقه من طبيعة الشغل ومن الادارة .. وموضوع السب كان سبب خلاج تفكرين تطلعين.. انا رايي تمي لين تلقين مكان احسن وانسى السالفه…
بالتوفيق…
مشكور اخويه يزاك الله خير ان شاءالله بطرش لك علي الخاص
مشكور اخويه و ان شاءالله بقدم