السلام عليكم ورحمة الله وبركاته…
طلب يد البنت : شهر 11 2007
الرد : شهر 1 2008 (التأخير من ام البنت)
الطلبات : لا شي لان الخاطب ملتزم “دينيا” و عنده خير و الحمدلله و العائلة شارين الريال.
الاتفاق على الملجة : شهر 4
تم تأخير الملجة : لمدة 3 شهور (لا داعي لذكر السبب)
الطلبات مرة أخرى : لا شي الي تدفعونه الخ
الطلبات للمرة الاخيرة من ام البنت بعد الكثير من المناقشات كالتالي :
المهر: 40 ألف
الذهب :150 ألف (حسب كلام أم البنت)
الكوشه : 100 الف (حسب طلب ام البنت)
اللبس و الخربطان : 50 الف حسب توقع ام العروس (سعر معقول في نظري)
الساعة : اتوقع 30 الف حسب توقعي الشخصي (لازم رولكس)
الفنادق و الحجوزات : 200 الف (هذا عقب الخصم و الضرابة)
الملجة : 20000 على اقل تقدير (خيمة و اكل الخ)
العود و العطور و الشاي و القهوة و المشروبات الخ : 45 الف درهم (حسب توقعي)
الفرقة : انا ماريد لكن ام العروس مصره 30 الف درهم (مجرد توقع بالسعر)
شهر العسل : اقل شي 40 الف درهم (لازم درجة اولى او رجال اعمال)
الذباح و الفواكة و الخضار : 50 الف درهم كحد اقصى.
التصوير : 30 الف
وتم ابلاغ ام البنت بالرفض والحمدلله
والله يرزق صاحبي ببنت الحلال الي تحفظة و تصونه. (قولوا آمين)
“القصة حقيقية”
عشان ايقولون بنت افلان كوشتها ب100 الف ، صدق الحريم تافهات
الله يعينه ويرزقن بابنه الحلال ان شاء الله ..
بس شي غريب الكوشه ب 100000 وهيه الا كم من ساعه وخلاص بيبطلونها العمال وثياب بنتها حاطه لهم 50000 صدق شي غررررررررررررررريب
مب عرس هذا ….سير ابنيلك بناية احسن
لااااااااااااا شكلي بهون كنت حاط ادور لي وحده بنت الحلال بس اذا هذي طلباتهم لا احسن ننسحب لانه الريل عقب بيكون في السجن العزوبيه ارحم مليون مره اذا الزواج بهذي الطريقه
صدق مثل ما قالو ( عند الخطبه اللسنه رطبه)
اول ما يتقدمون بالخطبه: اهل العروس (احنا موووووول ما نبى شي عليكم واحنا شارين الريال ولو تبغون البنت شلوها الحين بعباته)..
عقب الملجه (استلم الطلبات الي ما اتخلص)..
الله ايعينكم يا الريايل على الغلا ..ويهدي اهالي البنات