السلام عليكم ورحمة الله وبركاته…
طلب يد البنت : شهر 11 2007
الرد : شهر 1 2008 (التأخير من ام البنت)
الطلبات : لا شي لان الخاطب ملتزم “دينيا” و عنده خير و الحمدلله و العائلة شارين الريال.
الاتفاق على الملجة : شهر 4
تم تأخير الملجة : لمدة 3 شهور (لا داعي لذكر السبب)
الطلبات مرة أخرى : لا شي الي تدفعونه الخ
الطلبات للمرة الاخيرة من ام البنت بعد الكثير من المناقشات كالتالي :
المهر: 40 ألف
الذهب :150 ألف (حسب كلام أم البنت)
الكوشه : 100 الف (حسب طلب ام البنت)
اللبس و الخربطان : 50 الف حسب توقع ام العروس (سعر معقول في نظري)
الساعة : اتوقع 30 الف حسب توقعي الشخصي (لازم رولكس)
الفنادق و الحجوزات : 200 الف (هذا عقب الخصم و الضرابة)
الملجة : 20000 على اقل تقدير (خيمة و اكل الخ)
العود و العطور و الشاي و القهوة و المشروبات الخ : 45 الف درهم (حسب توقعي)
الفرقة : انا ماريد لكن ام العروس مصره 30 الف درهم (مجرد توقع بالسعر)
شهر العسل : اقل شي 40 الف درهم (لازم درجة اولى او رجال اعمال)
الذباح و الفواكة و الخضار : 50 الف درهم كحد اقصى.
التصوير : 30 الف
وتم ابلاغ ام البنت بالرفض والحمدلله
والله يرزق صاحبي ببنت الحلال الي تحفظة و تصونه. (قولوا آمين)
“القصة حقيقية”
الصراحة في ردود يوم تقراها تحمد ربك على نعمة العقل
لااااا تعليــــــــق
اذا هذا تفكير الحريم …. بس ايفكرن في مزاهد الدنيا
عيل الله يعينكم
لا تعليق
الله بيرزقك بغيرهاا ان شاءلله
والحمدلله ع كل شي يالله ربك ترااا
بصراحه الحرمه مهرها شويه ها المذكور
عيل السيارات قوم ال x6 على 400 وشي وهكن استون تكاسي
يوم يبون موتر ما ايقولون وايد….
المفروض صاحب المشكله يحمد ربه
انا اعرف بنات وايد ايقولون ما بنطلب مهر بس عقب بنلعن صيره بنخليه على الحديده…..
اسمحلي اذا الانسان فكر مهر بس ها انسان هامشي لانه عقب بيصرف اكثر