السلام عليكم ورحمة الله وبركاته…
طلب يد البنت : شهر 11 2007
الرد : شهر 1 2008 (التأخير من ام البنت)
الطلبات : لا شي لان الخاطب ملتزم “دينيا” و عنده خير و الحمدلله و العائلة شارين الريال.
الاتفاق على الملجة : شهر 4
تم تأخير الملجة : لمدة 3 شهور (لا داعي لذكر السبب)
الطلبات مرة أخرى : لا شي الي تدفعونه الخ
الطلبات للمرة الاخيرة من ام البنت بعد الكثير من المناقشات كالتالي :
المهر: 40 ألف
الذهب :150 ألف (حسب كلام أم البنت)
الكوشه : 100 الف (حسب طلب ام البنت)
اللبس و الخربطان : 50 الف حسب توقع ام العروس (سعر معقول في نظري)
الساعة : اتوقع 30 الف حسب توقعي الشخصي (لازم رولكس)
الفنادق و الحجوزات : 200 الف (هذا عقب الخصم و الضرابة)
الملجة : 20000 على اقل تقدير (خيمة و اكل الخ)
العود و العطور و الشاي و القهوة و المشروبات الخ : 45 الف درهم (حسب توقعي)
الفرقة : انا ماريد لكن ام العروس مصره 30 الف درهم (مجرد توقع بالسعر)
شهر العسل : اقل شي 40 الف درهم (لازم درجة اولى او رجال اعمال)
الذباح و الفواكة و الخضار : 50 الف درهم كحد اقصى.
التصوير : 30 الف
وتم ابلاغ ام البنت بالرفض والحمدلله
والله يرزق صاحبي ببنت الحلال الي تحفظة و تصونه. (قولوا آمين)
“القصة حقيقية”
يحمد ربه مليار مره
انه ما ابتلش بمثل هذي العوائل
ولا بتكون حياته جحيم
يطلقها ويطلق اهلها كلهم
والله الناس بطرانه ..شو هذا عاد بينا غضب من الله على هاي المصخره الي نسمعها…الحين شو بيقولون الغرب يوم يقرون الكلام بيقولون شوفو البطره واحنا عاد مب قاصرين من الحسد
ابوووووووووي قول حق ربيعك يوم يبغي ايعرس لا ايسير صوب الهوامير خله ايسير عند ناس قنوعين ودينين والله بيسر اموره ..قيمة كوشته عرس كامل …
والبنت انا اقول 100% ما تطلب وتبغي اتعرس لكن يوم الام تعفد في كل سالفه عز الله بناتها طاحو في جبدها
مكتوب في الموضوع انهم شارين الريال و ما يبون شي
ما عندهم بنات معرسات
للاسف هذا الي اكتشفه عقب ما خبرهم بانه غير رايه عقب الاستخارة لرب العالمين.
الله يسمع منك