السلام عليكم ورحمة الله وبركاته…
طلب يد البنت : شهر 11 2007
الرد : شهر 1 2008 (التأخير من ام البنت)
الطلبات : لا شي لان الخاطب ملتزم “دينيا” و عنده خير و الحمدلله و العائلة شارين الريال.
الاتفاق على الملجة : شهر 4
تم تأخير الملجة : لمدة 3 شهور (لا داعي لذكر السبب)
الطلبات مرة أخرى : لا شي الي تدفعونه الخ
الطلبات للمرة الاخيرة من ام البنت بعد الكثير من المناقشات كالتالي :
المهر: 40 ألف
الذهب :150 ألف (حسب كلام أم البنت)
الكوشه : 100 الف (حسب طلب ام البنت)
اللبس و الخربطان : 50 الف حسب توقع ام العروس (سعر معقول في نظري)
الساعة : اتوقع 30 الف حسب توقعي الشخصي (لازم رولكس)
الفنادق و الحجوزات : 200 الف (هذا عقب الخصم و الضرابة)
الملجة : 20000 على اقل تقدير (خيمة و اكل الخ)
العود و العطور و الشاي و القهوة و المشروبات الخ : 45 الف درهم (حسب توقعي)
الفرقة : انا ماريد لكن ام العروس مصره 30 الف درهم (مجرد توقع بالسعر)
شهر العسل : اقل شي 40 الف درهم (لازم درجة اولى او رجال اعمال)
الذباح و الفواكة و الخضار : 50 الف درهم كحد اقصى.
التصوير : 30 الف
وتم ابلاغ ام البنت بالرفض والحمدلله
والله يرزق صاحبي ببنت الحلال الي تحفظة و تصونه. (قولوا آمين)
“القصة حقيقية”
أدعووووووووووووولي
والله يوفق الجميع ان شاء الله
الواحد ينوي والتوفيق من الله سبحانه
خذوا الكلام مني
والله حطيت نيه صادقه في قلبي الله وفقني لحد الحين سلمت زهبة العروس والمهر ودفعت عرابين وأنا ماعندي الا راتبي
خلي نيتك صافيه ولا تسأل
والله ماعندي غير راتبي والأمور فسهاله
أنوي و أستخير ربك والأمور تتسهل ولا تعرف كيف
الله يوفقنا يميع ان شاء الله
الله بيعوضك ب اخير منها
نصيبك بتاخذة وبتكون حرمة المستقبل احسن وأخير منها
بتذكر كلامي ان شاء الله
اعتقد ان الاهل وراء غلاء المهور والا البنت ما تبا اللا الستر وخاصة الام اللي دايما اتقول للبنت اطلبي واطلبي وينتهي الزواج بفشل والسبة الاهل
والا بعض الاباء اللي ياخذ جزء من المهر جنة هو اللي بيتجهز
والله الحمد الله نحنا عرسنا ما طلبنا اي شيء والله مبارك الحمد الله في حياتنا
يا شباب ترى والله فية بنات يرضن باللي عندك فيعني لا تعزفون عن العرس بسبب فئة غير مباليه
والله يسعد كل زوجين
وعقبال اللي مب معرسين
حسوا فينا الشباب العزوبيين مالنا غير الله بس
الله يعين بس
راي الشخصي احسن شي سواه اربيعك ان افتك من هاي العايله لانه الام بتم وراااه والله بطلعلا اقروون
ياخذله وحده من مستواه