السلام 
بصراحة تعودنا فايام العز خلنا نقول انه اذا السوقين اغلقو على ليميت اب
نحتفل وننسى الاحزان ونقول اشياء مضحكة ومن هذا القبيل
ياخى بسنا احزان المنتدى كان شبه ميت الايام الفايته ونفسيات الناس حدث فلا حرج
فدعونا نحتفل الليله ولو قليلا (فشت خلق) على قولتهم
وخل بكرة لعالم الغيب والشهادة .. وخلينا فاليوم نحتفل به
وياليت كل واحد ينورنا بموقف مضحك حصل له فالسوق
انا بضحك قبل لاتبدون ههههههه
بصراحه كنت امس ابغي اشتري اعمار لكن لم يتم الشراء و بعد قليل نزل السهم شويه فطلبت السهم و اشتريت فقلت الحمد لله لانه السعر الاول كان اعلى و قلت سبحان الله لي نصيب في السعر الاعلى
يوم النزول الاخير قبل الارتداد.كنت طالع من المكتب وساير البيت ومتضايق على الآخر.وتدري اخوي سهامي ساعتها البال مشغول على الآخر…..
فبدون انتباه لفيت على هندي وللاسف دعم سيارتي ..المهم نزلت وانا محرج على الريال..والريال نزل ومحرج علي وكل واحد يفتن على الثاني ….فاتصلت بالشرطة وقالوا جايين…
المهم الشرطة تاخروا في الحضور فجاني الهندي يعتذر لانه فتن علي …فقلت له عادي والي استوى مكتوب ز من قبل.قالي انا خسران مايقابر ال300 الف بعد المصيبة اليوم.وانا طالع من سوق الاسهم وبالي مشغول….فقلت له تقريبا نفس الكلام…
طيب لحد الحين والصدفة عادية…لكن الصدفة الكبيرة الشرطي الي خطط الحادث..يقول نشيت الصبح وسرت السوق واشتريت اسهم.وبعت على اللمت داون وخسرت حوالي اربعين الف وظهرت من السوق وبدلت ملابسي وجيت على الدوام….
سبحان الله الكل خسران.الحمد لله على كل حال.
صراحه انا استانس بس لما يرد عليه البروكر سوداني أصله الله يذكره بالخير اقوله ها شو العرض والطلب على اعمار يقولي (إعمار دحين عامل 5.90 كذه مره ابند الخط وانا ميته من الضحك ما أشتري بسبته هههههههههههههههه)