هل يجوز الاعلان عن اسعار البضائع الحقيقه فالمنتدى

47 thoughts on “هل يجوز الاعلان عن اسعار البضائع الحقيقه فالمنتدى”

1. بسم الله الرحمن الرحيم

   السلام عليكم ورحمه الله وبركاته
   
   اخواني مشرفين واعضاء المنتدى حبيت اشكركم على المنتدى الطيب والمشاركات الطيبه
   
   لاحظت بعض الناس يعرضون بضايع ويغالون في اسعارها مغالاه غير طبيعيه وانحن في سوق مفتوح والكل حر في ماله
   
   ومن قوانين المنتدى عدم ابخاس البضاعه بالسعر او النوعيه
   
   ولكن نقطتي انه السوق نصيحه وشور ولو حد يعرض شي غالي وانا اعرف وين احصله بسعر احسن انصح الناس اقولهم في المكان الفلاني بيكون بسعر فلاني … بس اكون متاكد من انه نفس النوعيه والجوده او حتى ممكن انه يكون مطابق للمعروض
   
   حمدلله خبرتي فالكمبيوترات زينه والاحظ المعروضات من اكسسوارات الكمبيوتر مثلا.. شي منه ممكن انا انفع الناس واقدر ادليهم من وين اييبونه ارخص … موب اني اخرب على تجار المنتدى بس بعد شوي الزمهم المنافسه بسعر السوق موب كانه محتكر لانه الناس ما يعرفون من وين يشترون هالبضاعه
   
   وحمدلله البيع عالنت مفيد لا اجار ولا عماله ولا اوراق ومعاملات بلديه وعمل وعمال وتفتيشات وغرامات
   
   وليش احصل صاحب محل يبيع ارخص عنكم والله يخليكم لا تقولون يشتري بالجمله لانه ماشالله عندنا ناس يبيعون بالجمله
   
   وسلمتوا
   
   اتمنى فتح مجال المداخلات وتناقش الاسعار بحدود المعرفه وانه محد يفتي بدون مصدر وتوثيق
   
   اتمنى الفكره وصلت واتريا ردود الاعضاء والمشرفين

   يا اخي كلامك من ذهب ولازم نتناقش

   تعقيب ع

   وليش احصل صاحب محل يبيع ارخص عنكم والله يخليكم لا تقولون يشتري بالجمله لانه ماشالله عندنا ناس يبيعون بالجمله

   استاذي:
   كل تاجر يفكر في مصلحته ولازم يفكر في مصلحته لانه هو الشخص المطلوب للتواصل معه والشراء منه سواء في المنتدى او خارج المنتدى

   فالتاجر اذا كان عنده محل ويبغي يكسب زبائن احيانا يضطر انه يبيع باقل من سعر التكلفة علشان يكسب هذا الزبون والناس تعرف انه صاحب المحل مب مقصر ويعني يبيع ارخص عن كل التجار في المنتدى
   ولكن هذا التاجر نحن بنتكلم عن شطارته
   يمكن يزيد ع سعر سلعة معينه اذا رد المشتري اشترى مره ثانية من عنده
   ويمكن تدخل محل ثاني والمحل هذا يكون خلف المحل اللي ع الشارع الرئيسي
   فتكتشف انه سعر البضاعة اقل

   التجارة شطارة يا حبيبي
   لازم التاجر يعرف كيف يطلع بيزات ويعيش في حياته بس مثل ماتفضلوا الاخوان انه مايزيد زيادة قوية او انه يحاول يغش او يسرق

   والحين بنتكلم عن التجار في المنتدى

   اذا اكتشفنا انه تاجر يبيع سلعة معينه وهذه السلعة بامكان الحصول عليها خارج النت وبسعر اقل من السعر المعروض في المنتدى طيب
   لازم نعرف نفسية هذا التاجر يعني هل متعمد او انه ماعنده خلفية عن اسعار السلع في الاسواق
   اذا في احد ينصحه وايد زين
   ووبعض التجار ع فكرة من المبتدئين

   يعني يمكن مايعرفون كيف يحطون الفوائد يعني من ناحية النسب
   5 بالمية
   20 بالمية
   50 بالمية
   100بالمية

   فاللي يحب مثلا يحصل اجر يحاول يفهم هؤلاء التجار ……..

   نحن يا جماعة الخير مانبغي نفقد التجار في المنتدى ليش الناس تروح خارج النت عند اصحاب المحلات اذا بالفعل نبغي نحرك القسم ونشوف المنافسة بين الاعضاء والتواصل بين الاعضاء بمايرضي الله عزوجل من تعامل طيب

2. صح لسانك اخوي هذا غير البطائق الي تتعبا للتواصل مع المشتري وشركات التوصيل واحيانا تظطر للتنسيق بينهم لان بعض الاعضاء مايردون
   
   واحيانا تتكنسل طلبيه فتدفع التاجر ثمن التوصيل 25
   
   يعني الناس ماتحس بهالشي
   
   والمثل يقول شو الي رماك ع المر قال الي امر منه يعني التجاره وجع راس وبهذله الضروف هي الي تجبر بعض الناس لهالشي
   
   والمثل يقول بين البائع والمشتري يفتح اللله
   
   يعني الي حاب يشتري بالسعر المعروض حياه الله والي ماحب براحته
   

   انا عن نفسي يوم ابي شي اشتريه ايي دور في النت حتى لو بلاقيه برا بارخص مو بس 10 او 20 حتى لو 100
   اهم شي اشتري ويع راسي من الزحمه والحر والبهذله

   يوصلني طلبي وانا مرتاحه
   
   ولو المغالاه في المنتديات حرام او مو عاجبه حد ليش ماتشتكون ع المراكز الي تبيع الاشياء باسعار مبالغ فيها مع ان نفس السلعه بلاقيها في المحلات العاديه باقل من نصف السعر
   
   محلات باريس غالري وغيرها

   مابزيد في الكلام
   
   الله يوفق الجميع والسموحه اخواني مابي حد يزعل من كلامي

   

   انا معاج غناتي بكل كلمة قلتيها

3. يقول تاجر”: اقطع عنقي ولاتقطع رزقي

   بسألج : اذا انتي دليتي كل الناس ع مصدر هذا التاجر المسكين اللي يسعى للكسب الحلال نحن بنحسن الظن هاي المرة انزين والناس اشترت من المصدر وضاع هذا التاجر وتاه وماعرف شويسوي من بعد ما كان يبيع في المنتدى ويحصل ع فايدة 20 درهم ع كل بيعة والتاجر لانه شاف في اقبال ع البضاعة جرب ياخذ نفس البضاعة من مصدره ولكن كمية اكبر وشيكات وغيره وهو نفسه عليه التزامات ويمكن عنده اسرة اذا انتي عايشة في نعمة لازم تفكرين في الفقارى يمكن فايدته من البضاعة (ايمع الفوائد علشان يصرف ع عمره وع اهله) فليش نحن نخلي الناس تشتري من مصدره وماتشتري منه
   لانه هذا التاجر اللي تعب سنوات علشان يحصل ع مصدر رزق ومانعرف شنو ظروفه هل هو يعمل او لا او هل له دخل قوي …..

   نصيحة للاخوان : لاتخربون ع ااخوانكم من التجار في المنتدى نحن مانعرف ظرووووفهم والله لو تحسنون الظن بهم وتحاولون تعرفون شو اللي يخليهم يبيعون في المنتدى بضاعة قيمتها خارج النت 10 دراهم ب30 او 40

   يا اخوان في تجار اعرفهم يطلعون من مناطق بعيدة ويتجهووون يوميا الى دبي علشان لقمة العيش وعلشان يلبووون طلبات الزبائن من الاعضاء والزوار
   لاتنسون : اذا هم باعو في المنتدى سلعة ب 200 درهم

   التاجر بمجرد خروجه من البيت لازم يحط رصيد دو 20 درهم او اتصالات 25 درهم علشان يتواصل مع اصحاب المحلات دبي للتنسيق وانه البضاعة تكون زينه والكمية والسعر وكيف يتم الاستلام وغيره
   ولازم يصب بترول اقل مبلغ 20 درهم اذا كان يملك تويوتا يارس
   ولو عنده 8 سسلندر لازم يصب 50 درهم ونحن في عز الصيف والمكيف لازم يكون شغال بيعني 80 درهم للبترول
   ولاتنسون انه هذا الشخص راح يتحمل كل شي
   زحمة الطريق
   والبحث عن المواقف
   ويعني يمكن يتعب وايد علشان يقدم لهذا العضو الحبيب اللي يالس ورا اللابتوت في بيته وفي غرفة مكيفة وجدامه ريل بول وعصير كوكتيل ولو حس بالجوع

   ميس كوووول

   الهمبرجر او الكباب والروبيان الناشف امامه راع الكافتيريا مابيقصر

   فليش نحن نكون حاجز امام كل من يسعى للحصول ع مصدر رزق ويبيع ويشتري في المنتدى والمنتدى ما اصبح فيه قسم البيع والشراء الا من بعد ما صاحبه المنتدى اكتشف انه بالفعل في ناس تبغي تبيع وتشتري وفي تجار بامكانهم يعرضون بضائع ويعني يتم البيع والشراء بشكل يومي يعني هذا اللي دفع يمكن المدير العام او من يمتلك هذا المنتدى الكبير انه يحط لنا قسم يحتوي ع

   البيع والشراء

   والخ

   صح لسانك اخوي هذا غير البطائق الي تتعبا للتواصل مع المشتري وشركات التوصيل واحيانا تظطر للتنسيق بينهم لان بعض الاعضاء مايردون

   واحيانا تتكنسل طلبيه فتدفع التاجر ثمن التوصيل 25

   يعني الناس ماتحس بهالشي

   والمثل يقول شو الي رماك ع المر قال الي امر منه يعني التجاره وجع راس وبهذله الضروف هي الي تجبر بعض الناس لهالشي

   والمثل يقول بين البائع والمشتري يفتح اللله

   يعني الي حاب يشتري بالسعر المعروض حياه الله والي ماحب براحته

   انا عن نفسي يوم ابي شي اشتريه ايي دور في النت حتى لو بلاقيه برا بارخص مو بس 10 او 20 حتى لو 100
   اهم شي اشتري ويع راسي من الزحمه والحر والبهذله

   يوصلني طلبي وانا مرتاحه

   ولو المغالاه في المنتديات حرام او مو عاجبه حد ليش ماتشتكون ع المراكز الي تبيع الاشياء باسعار مبالغ فيها مع ان نفس السلعه بلاقيها في المحلات العاديه باقل من نصف السعر

   محلات باريس غالري وغيرها

   مابزيد في الكلام

   الله يوفق الجميع والسموحه اخواني مابي حد يزعل من كلامي

   

4. ان كم مره عرضت أشيائي للبيع وبأسعار مناسبه جداً

   مع ذالك الشرايين يبخسون السعر على كيف كفهم

   وبخصوص بعض الأعضاء يعرضون سلعتهم أغلى من السوق
   مش كلهم
   قليل منهم

   منتج أصلي في السوق بسعر 150

   في المنتدى 270

   علماً ان المنتج هوه نفسة ونفس الصناعة ونفس الجوده

   ولما تقوله في الخاص انه سعرك أغلى من السوق بويد

   يقولك إلى في السوق غير وأنا عندي غير وبعد مابتحصل أرخص من سعري

   والله العظيم ياجماعة انه المنتج هوه نفسة

   أنا مستعد أيييب بعض المنتجات إلى يبيعونها الأعضاء أرخص منهم بوايد

   وأتحداهم إذا كان المنتج مب أصلي

   كلام رياييل

   ——————————————-

   بعض اللابتوبات إلى تنباع في المنتدى خراب في خراب

   خلال سنه وحده شريت 4 لابتوبات
   كلهم خراب ومشاكل ماعدا واحد بس
   مع الاستخدام الخفيف والله العظيم إلى بقوله كله صدق

   أول يوم استخدام !!!!! حراره

   بعد 6 شهور !!!!!! الحروف العربي في الكيبورد ممسوحه تماماً

   بعد 8 شهور !!!!! فصوص الكيبورد مايلات يمين ويسار وفوق وتحت

   تكتشف انه براغي اللابتوب مفكك قبل البيع

   شموخ على البراغي أثار السكروب في وسط البرغي واضح

   استكر اللابتوب إلى تحت فيه كود ورقم وموديل اللابتوب مجلوع من مكانه

   الكرتون مفكوك

   عندي لاب توب ومستعد أصوره

5. انا وياك… وياما ناس قالت عن سلعتي مبالغه فيها .. بس ما راح اقول وتكلم وايد عن سلعتي او غيرها لان كل واحد عارف وحاسب حسبته والفايده الي بتظهر له من البضاعه .. وانتوا ما قصرتو وفيتوا وكفيتو ما شاء الله

   ولكن الربح بحدود يعني التاجره تفكر فالزبونه شرات ماتفكر بعمرها
   يعني هيه اكيييد ماتبا تاخذ شي غااااااالي وعارفه انه ارخص من جي ف كيف تبا الزبونه تتقبل هالشي يعني سلعه
   بالسوق لها السعر الفلاني اتييي التاجره وتزيد عليها فوق ال 150 ليش حرام بعد

   اذ كانت الشغله صدق متعوب عليها ف لها الحق اما اذ لا بعد والله حرام يعني تراعي الزبونه وامكانياتها
   وبعدين اذ انها مب من الاساسيات ف مب مجبورين تاخذون اوكي..

   نصيحة للتجار والتااجرات : خلو اسعاركم معقوله ومناسبه وربحكم لا شوي ولا وايد ( بالمعقول ) .. وشوفوا كيف الزباين رح يشترون منكم

   ونصيحة الثانيه : عيبكم شي وناسبكم السعر اشتروه .. ما عيبكم لا تشترينه ودوري غيره .. اشتري من السوق وخلاص

   ما يحتاج تكبرو ن السالفه ..
   وسلامتكم ^-^

Comments are closed.