هل صحيح ان المرسيدس كله أعطال ؟؟؟ محتاج إلى خبير للنصيحة

42 thoughts on “هل صحيح ان المرسيدس كله أعطال ؟؟؟ محتاج إلى خبير للنصيحة”

1. مع احترامي للجميع ..

   انصحك باللكزس 430 موديل 2004
   خذلك فل الترا و عييش مرتاح

   ثابت فـ الخطوط و البيبان شفط وشكله جميل جداً

   و ما اوصيك استخير ربك و اللي فيه الخير يجدمه ربك

   و السموحه ^_^

   اسمحلي يا خوي …..اللكزس ما يي عند ثبات المرسيدس ولا البي ام … يمكن اللكزس اثبت من الكامري لكن ما في مجال للمقارنه مع الالماني ….

   شريت Ls 460 2008 واستعملته 2000 كم فقط وبعته … واحد اسباب البيعه لانه مب ثابت شرات المرسيدس … وما في مجال بينه وبين المرسيدس من ناحية الامان والثبات والفخامة ….. الخ

   الملخص: اللكزس سياره حلوة وعملية لكن سواقتها وثباتها ما يتقارن مع الالماني

2. ثره ايلي ..مب ملعوزني انا بس … ملعوز خلق الله كلهم هاللبناني ..

   ياريال لين الحين اطالبهم بفلوس الضمان يردونها وماردوها

   وكالة المرسدس في ابوظبي للاسف الشديد مستوى هااااااااااااااااااااااابط للغاية حتى مايليق بوكالة دراجات صينية

   وصدقني لو وكالة دراجات باجا الهندبة عندهم ودرت ان مستواهم شي شان سحبت الوكالة من عندهم من زماااااااان

   ولكن على العموم وكالة قرقاش في الامارات الاخرى من احسن الوكالات وبصراحه عندهم خدمة مابعد البيع

   انا ادري ان ممكن يصير تقصير شوي ولكن مب مثل وكالة ابوظبي

   والله النكته ان هذا اللبناني مدير الورشه يوم شاف العطل في سيارتي قالي بركبلك (بوشيات) فولفو وضحكت هذاك اليوم لين عورني بطني قلتله كيف بوشيات فولفو في مرسدس قالي لين مايوصلو من المانيا

   شر البليه مايضحك

3. مرحبا شباب
   ماصرتو علي الردود الطيبه …

   انا من عشاق المرسيدس ..و جربته بكل انواعه تقريبا
   بس بعدني مادقيت راسي عالاشكال اليديده … لان ضد فكرة ( اشتر سياره قيمتها مبلغ و قدره !!!! وبعد سنه بيعها و اخسر 40% من قيمتها )

   علي العموم … احب اقول للاخ اللي يسال عن المرسدس … الغالي حتي لو كانت تشيكات وكاله تري كله مجرد كلام … لكن اهم شي عندك الشخص او الورشه اللي تفهم بتصيح السياره الل تباها ..و تكون متواصل بالصيانه يعني ماتهمل الاعطال … صدقني بتعيش مرتاح ..
   اما اللي يقول تشيكت وكاله و ماعرف شو …مادري شو الفرق .. لان اي شي ينصنع راح يكون له عمر افتراضي و ينتهي .

   وبالاخر انت صاحب القرار ..
   تحياتي للجميع

4. مع احترامي للجميع ..

   انصحك باللكزس 430 موديل 2004
   خذلك فل الترا و عييش مرتاح

   ثابت فـ الخطوط و البيبان شفط وشكله جميل جداً

   و ما اوصيك استخير ربك و اللي فيه الخير يجدمه ربك

   و السموحه ^_^

5. اقولك اخوي انا مابطول عليك

   اخوك اشترى من الوكاله 500 اس 2006 ومن يوم خذته لين بعته عليهم مشى 7000 كلها من الوكاله لين البيت قالولي خذ 2007 معدل وزيدنا 90 الف وبالفعل زدتهم وخذت 2007 وبعد طلع فيه اعطال وبعته ماشي اقل من 1000

   واذا مب مصدق راسلني على الخاص وبنطلع معاك لين مدير الورش واسمه (اللي) وهو لبناني وبساله جدامك

   ومن عدها بصراحه خذت وارد امريكي ماعليه كلام واللي يذم فيه تراه ماعنده سالفه لان الوارد شغل مضبوط ميه في الميه

   ونصيحتي لك اذا اتريد جديد خذ بي ام عليها عقد خدمه 5 سنوات

   او خذ لكزس

   او مرسدس وارد

   والسموحه

   ثره ايلي ..مب ملعوزني انا بس … ملعوز خلق الله كلهم هاللبناني ..

Comments are closed.