هل صحيح ان المرسيدس كله أعطال ؟؟؟ محتاج إلى خبير للنصيحة

42 thoughts on “هل صحيح ان المرسيدس كله أعطال ؟؟؟ محتاج إلى خبير للنصيحة”

1. حلااااتها البودمعه 350 موديلات 2003 و 2004

   اولا قويه مب شرات 320

   ثانيا فخمه فيها كل شي من تلفزيون جدام وورا بعد ع حسب مواصفاتها

   فيها ثلاجه كروز كنترول رادار يعني من تقرب من سياره بروحها توطي السرعه

   وبعد اكثر عن 250 اوبشن في السياره

   وصرفيتها شويه والله اقل عن السيارات الصغيره بعد

   وطبعا كبيره وواسعه اذا كانت 350l

   ولا تسمع كلام اي حد يقولك ان 350 كلها خرابه << يمكن يغار لانك تباها

   ع العموم الاختبار لك و 350 موديل 2003 اتحصلها بـ 135 الف

   بهالسعر ظهرلك انفينيتي G35 روعه وقويه

   بس المرسيدس افخم طبعا

   ومره ثانيه اقولك الاختيار لك

2. اذا تباء خذه من الوكاله احسلك ولا تبهدل عمرك وراء المستعمل والكرجات

   ماتسوي عليك وانته واقف في الشارع وخاصه الحين الموتر يذوب من الزحمه وهو واقف في مكانه

3. فعلا ما في ولا سيارة فيها أعطال

   اولا أخي العزيز إنت قبل ما تشتري اسم انت تشتري سياره ألمانيه

   يعني راحة + فخامه + سيفتي + نفسك

   لمن تسير لما بعد النهرين أو البحرين الياباني + الكوري + صيني

   تحتفظ بفلوسك بس بتبيع عليها خوفك من الدعمات + راحه

   الوحيد المريح في الياباني اللكزس ، لكن ما زال ياباني

   انا عندي مرسيدس موديل 1987 ماشيه 23 ألف كيلو متر فقط

   شف الموتر مره قديم ، احركه دوم والحمد لله ما في خراب

   إن هذا القديم فما بالك اليديد طبعا أفضل وأريح

   وبعد فيه G كلاس ما عليـــــــــــه كلام بس مشكلته على سرعه فوق 100 يدخل هوا لكن عدلته وسويت له تعدل

   ما فيهم حيله

   تبا تشتري سياره خذ ألماني مهما كان نوعها

   دمت بود

4. خذلك لكزس وعيش حياتك بدون اعطال وعموما انصحك يالياباني ولاااااااااااااااااا تشيل هم

5. اسأل مجرب ولا تسأل طبيب ..

   أنا عندي واحد موديل 99
   الحمدالله مافيه أي اعطال ………
   وأنا ويا أخويه
   Commander
   فكل اللي قاله …
   الموتر ما عليه أي كلام ………..قطع غياره رخيص ومافيه أي اعطال ولله الحمد
   واللي يقص عليك ويقولك 99 و 2000 وغيره كله اعطال…يمكن موتره ملعون بأسلافه واللا فيه حوادث..
   الموتر ما عليه كلام وعالخط ثابت ومريح لكن نشته شوي ثجيله…
   وعلى صرفيه البترول……320 مووووووووووووول ما يصرف حتى اقل عن صرفيه الكامري ..

   صل الاستخاره ودورلك موتر نظيف وتوكل وما عليك من رمسه الناس..
   وفالاخير المرسيدس جيمته فيه وتكفي هيبته فالشارع مب نفس اللكزس ..اللكزس الامريكيه مطيح سوق لللكزس وهيبته مب هيه الاوليه …واسعارها تنزل يوم بعد يوم ..

   صل الاستخاره وعليك بالمرسيدس وانته مغمض..

   تحياتي

Comments are closed.