ابغي اتاكد من هالكلام
اليوم في الجامعة اخو واحد من الشباب كان يتكلم عن كلاس هو فيه وكل شوي يقول فلانة قالت وفلانة جاوبت
سالته جامعة الشارقة ولا الجامعة الامريكية
قالي لا جامعة الشارقة
قلتله جامعة الشارقة مختلطة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قالي هي . قبل كان في الصيفي بس . اما اللحين في كلاسات مختلطة والجامعة بتسير مختلطة
استغربت من هالكلام صراحة
جامعة الشارقة !!!!!!!!!!!!!!!!!!!!!!!!!!!!!
قبل لما كنت اشوف الاجراءات المشددة في دخول وخروج الطالبات كنت اقول هذي الجامعة ولا بلاش
وفوق كل هذا ما يمر اسبوع الا يزخو بنية مواعدة وشاردة وهذا على كلام واحد يداوم في الشرطة اللي في الجامعة
واللحين بعد هالانفتاح الله يعين
مجتمعنا متناقض للاسف
يرفظ الاختلاط في الجامعه
ويرحب بالاختلاط في العمل ؟!
شو الفرق حد يجاوبني
اذا اصرينا على عزل المرأه عن الرجل في التعليم العام
هذا من حقنا لانهم صصغار وفي فتره مراهقه
واذا بعد مانعنا انهم يختلطون في التعليم العالي بعد ما كبروا واصبحوا فاهمين
واصرينا على عزل المرأه في جامعات منفرده للاناث
هل نستطيع ظمان عمل لها للسيدات فقط ؟؟؟؟
ما اعتقد
زمان اول كنا نعييب على بعض الدول العربيه بالنسبه للاختلاط في مدارسهم والحين العيب وصل عندنا والناس تعودت على هالامور كل هذا علشان الماده
اللي يخاف من ربه ويبا يحافظ على عياله مايدخلهم هالاماكن ولو حتى ماتعلموا ولا يسمع للناس اللي تحاول تميع في الامور وتحاول تلعب على الدين
يابني ادم وراك حساب وعقاب وانت مسؤول عن عيالك امام الله فليتق الاباء في اولادهم ويربونهم التربيه الاسلاميه وان لايتركون الامور الى ان تحل الطامه في بيوتهم
عني انا مادخل عيالي مدارس مختلطه لو انطبقت السماء على الارض وان شاء الله ماتعلموا
محد يالف يا اخوي وانا تاكدت ان في بعض الكلاسات مب كلها بعض مختلط وفي مبنى الطلاب وعلى البنت انها تحضر هناك ومحطين حاجز ولو ما يحطونه احسن لانه مب هذاك الزود
الاختلاط بس في الماستر..
وياريت محد ايلس ايالف كلام من عنده
انا لاحظت هذا الشي في كل الجامعات يبون الاختلاط و ما اظن السبب مادي لكن يبونا نتعود
عيل من بيطرشون امريكا و ايطاليا رحلات ثقافيه
و اكبر دليل جامعة زايد علومها تشيب الراس
و الامور طيبه