السلام عليكم ورحمة الله وبركاتة ،، اخواني الأفاضل ، اخواتي الفاضلات ،، مساكم الله بالخير والسرور ،، عندي سؤال للجميع ،، هل الراتب يكفيكم الشهر كامل او الراتب يزيد عن مصاريفكم الشهرية ،، نبغي ان نناقش هذا الموضوع بجدية ،، انا عن نفسي الراتب حدة 13 يوم فقط ….
38 thoughts on “هل الراتب الشهري يكفيكم,ارجو الجميع يرد وشكرا”
Comments are closed.
حمدالله راتبي يكفيني ويزيد للشهر الثاني مع اني اطلع كل يوم واسير الكوفي وما ابخل على عمري بشي ولله الحمد احس ان الراتب يكفيني ويزيد لاني اشتري على قد حاجتي ولاني يالس بيت ابوي لا ادفع ماي ولا كهرباء ولا اتحمل شي والحمد لله بس الله يعين يوم بزوج
انا الحمدلله راتبي يكفيني و احفظ لي شوي شهريا و اعطي امي وابوي و اساهم في البيت مع ان ابوي ما يحتاج بس هالشي يفرحهم لو كان المبلغ بسيط و حتى بعد ما اتزوج بستمر في هالشي و صدقوني يا اخوان صدقة جارية تغنيكم في الدنيا و اخره
اممممم بالنسبه لي انا كبنت اعتبر راتبي كمصروف شخصي فقط الي هوه ما يتجاور ال6 الاف
اقساط سياره + جمعيه + مصاريف عيادة شهريه + بترول السياره طبعا + بعض المجاملات الاجتماعيه الي لا بد منها
والحمد لله الراتب يكفي دامني اصرف بس ع عمري ^_^
شو أخوي الملف المرفق
جدولة المصاريف، ما ادري من وين منزل الملف، بس الملف جدا ممتاز.
طبعا بعد نصايح الاخوان ما قصروا، عليك بالصدقات و الاستغفار،،،،
أنا فاهم شو تقصد انت، ان الغلا اللي صاير في البلد، ، ، ، لكن تذكر ان الغلاء المعيشي في كل مكان في العالم، و الواحد لازم يعود نفسه على الغلا، و خاصة ان الدراسات اللي كانت في عام 2006 بخصوص ارتفاع سعر برميل النفط الى 100 دولارن نفس الجهة سوت دراسات ثانية و توقعت برميل النفط يوصل 200 دولار,,, شو رايك!
انصحك أخوي تستخدم الملف المرفق لكم شهر،، و بعدها بتتعود تتحكم في مصاريفك و تقلل من المصاريف اللي ما لها داعي…. يعني قلل من الرفاهيات، ، ، ، بس مو معنى انك تكون بخيل، بس بعد لا تكون مبذر.
الحمدلله نحن عايشين في الامارات،،، نحن ما بنتكلم عن الدول العربية و بس، حتى الدول الغربية الناس تشتكي من الغلا و الضرايب.
عقبالنا الضرايب لا تنساها (( الضريبة المضافة )) زيد 3% على أي شي تشتريه من السوق…. و الصحة أتوقع تكون بفلوس في السنين الجاية، و الدراسة بعد….
آخر نصيحة: عود نفسك على البخل من التبذير
,
اشكر جميع الإخوان والأخوات على ردودهم الطيبة واشكرهم ايضا على افكارهم البناءة وخاصة الصدقة والإستغفار ولكن ياجماعة الخير الدرهم في 2005 درهمان اليوم يعني الي كان سعرة 10 دراهم في 2005 الآن سعرة 20 يعني الرواتب لو زادت بتكون نفس الشئ .