السلام عليكم ورحمة الله وبركاتة ،، اخواني الأفاضل ، اخواتي الفاضلات ،، مساكم الله بالخير والسرور ،، عندي سؤال للجميع ،، هل الراتب يكفيكم الشهر كامل او الراتب يزيد عن مصاريفكم الشهرية ،، نبغي ان نناقش هذا الموضوع بجدية ،، انا عن نفسي الراتب حدة 13 يوم فقط ….
38 thoughts on “هل الراتب الشهري يكفيكم,ارجو الجميع يرد وشكرا”
Comments are closed.
الحمدلله الراتب يكفي و يزيد شوية بعد،،، بس بدون ايجار بيت و لا كان على الدنيا السلام.
أقول أخوي سعيد: وين هذا من الهامور بـ40 درهم، بكرة طالع على دبي أخذ 5 من؟؟؟؟
عندنا العين الكيلو في أحسن أوقاته ما ينزل عن 30 درهم للكيلو….!!!!
الله يجزيك خير بأنك فتحت المجال بالتذكير عن الصدقه ..
مثل ما قالوا الاخوان ..الصدقه تبارك فالمال وتفتح للمتصدق أبواب الرزق..
الصدقه ما تنقص المال لحديث الرسول عليه الصلاه والسلام ..(ما نقص مال من صدقه) ..
الله يباركلك في مالك ويرزقك ..
بغيت اضيف شي على كلام الاخوان ..بأن كثره الاستغفار تزيد فالمال …جرب وما بتخسر شي كثر من الاستغفار بشكل يومي وعقب فتره شوف النتيجه ..
ولا تنسى الايه القرانيه (( استغفروا ربكم أنه كان غفارا .يرسل السماء عليكم مدرارا)) صدق الله العظيم
الحمدلله راتبي يكفيني خصوصاً يوم اني اعزب
راتبي 5000
اصرف بحد اقصى 3000
و احيان اقل من 2000
الحمدلله الامور ماشيه
السلام عليكم
الاعزب غير المتزوج والمتزوج عير عن اللي عندة عيال
واللي راتبة 4000 الأف غير عن بو 30الف
الغلاء موجود الصرف الغير عقلاني بعد موجود
بعطيك نصايح ارجو من الله انها تفيدك
افتح حساب في بنك اسلامي
تصدق
اشتري الاشياء الضرورية وابتعد عن الكماليات مثل تغير تيلفون كل كم شهر وأشياء مالها داعي
واخيرا
اللي راتبة 7 الف وعندة عيال
الصراحة صعب وااايد يعيش بصورة كريمة لة ولعيالة
اذا كرتون الدياي ب 200 والذبايح ب 500 ومن الهامور 40
هذا كيف بيسوي
الله المستعان
نسيت اخبرك
انا الحمدلله راتبي يكفيني
الحمدلله رب العالمين
راتب شهر يكفيني 3 شهور و أكثر و الله الشاهد.
اولا يعتمد على مقدار الراتب وظروف الشخص (منزل ايجار, متزوج, اطفال, قروض الخ)
ثانيا يعتمد على عقلية الشخص مثلا في ناس يستلمون هالاربعين الف و على طول سفر او شراء اشياء هم مب في حاجة لها.