نوق سايبة شو الحل ؟!

35 thoughts on “نوق سايبة شو الحل ؟!”

1. وايد ** نوق ** سايبة يعني مرتين كنت بروح فيها وانا يايه من الدوام والا رادة يعني مب واحد ولا اثنين اكثر عن واحد ويتمشن على راحتهن (( تحت التمرين )) وخاصة لو انك يايه على سرعه معينه بعد يربعن صوب السيارات يتحمسن اكثر يوم يشوفن سيارات (( لقافة ولياقة ولباقة ))

   بعدين عطااااااج الحل قالج لو تبغين تروضينهم غنيلهم

   ناقتـي ياناقـتـي لاربــاع ولاسـديـس
   وصليني لابتي مـن وراء هـاك الطعـوس
   حائلاً رابع سنه من خيـار العيـس عيـس
   خفهـا لادرهمـت كنـه بالنـار محسـوس

   

2. يا بنت الحلال الله يحفظج لاهلج وان شاء الله تنحل هاي المشكلة قولي آآآآمين

   ااااااااااااااااامين ….ويحفظج يا اختي يعني ها المشاكل من زمان ومحد منتبهلها
   ما قصرتي الغاليه على تفاعلج

   ودمتي

3. ياخي المشكله أن أصحابها هم ألي يهدوهن في الشوارع وبدون مراقبه وأذا حد دعمها ياك يبي قيمتها والله قوي عين
   بس اذا في الحادث حاله وفاه يمر ولاكنه صاير شي ولو سألته من صاحب الناقه يقول مدري وهو يكذب (مرعلي هذا الموقف) علشان مايتحمل المسؤليه
   الله هذي هي أكبر مشكله عندنا

   أتمنى أن ينزل قرار يقولون أي شخص يحصل بعير على الشارع يوقف ويذيحه بأي وسيله متوفره عنده والله أصحابهم بيخافون عليهم وبنفتك منهن
   والسموحة منكم بس أكتب من القهر ومن أهلي وربعي ألي راحو في مثل هذي الحوادث

   هي والله يطالبون ب.. قيمتها بقواة عين
   سمعت سالفه من يومين واحد دعم كمن عنز في الشارع المهم وماتن … المهم الريال حس بتانييب الضمير قال خل اخبر الشرطة واعطيهم رقمي اذا حد بلغ عنهن اعطوه الرقم وقولولهم انه بيدفع حقهن

   المهم مر كمن يوم وبلغ صاحب الهوش عنهن..والشرطه عطو الريال الرقم المهم قالهم قولولي كم حقهن وفالكم طيب

   المهم الهوش ما يسون الا الف درهم تقريبا ..ز قام صاحبهن وطلب فوق العشرت الالاف درهم انصدم الريال وقالهم انا بعطيكم بس 5000 قال مب مشكلة يمكن الريال امربنهم وتعبان عليهم
   رفض صاحب الحلال ال 5000 …وقال لازم التامين يدفعون باقي البيزات

   المهم التامين قالو انه صاحب الحلال المفروض اللي يدفع لصاحب السيارة لانه هو اللي هاد حلاله في الشارع وتسبب في الحادث

   يوم عرف صاحب الحلال انه خسران قال للريال خلاص هات ال 5000

   طبعا……… ما طاع صاحب الحادث وقال اسمحولي انا صرفت البيزات والحين الموضوع عند التامين

   ———————–

   يستاهلون الطماعيين

   واشكر مرورو وتفاعلك ويانا اخوي

4. 
   اشكر صاحبة الموضوع اختي الكريمه
   

   وهناك اخطر من شارع الإمارات
   
   وهو الشارع الذي يربط شارع الإمارات بدوار الطويين
   
   عند المخرج رقم 119
   
   بالأتجاه الى دبا الفجيره
   
   هذا الشارع
   

   خط واحد رايح جاي
   بدون حواجز تمنع الحيوانات وخاصه الجمال والحوادث شبه يوميه بالجمال و الحيوانات الأخرى
   بدون اناره
   الرمل والمطبات في الشارع نفسه
   الشاحنات وهو شارع يخدم الشاحنات و يتم دفع رسوم مرور على الطريق تقريبا 100 درهم لصالح الأشغال العامه براس الخيمه

   بصراحه هذا الشارع أخطر شارع في دولة الإمارات

   100 درهم رسوم هممممممممم غريبة
   والله دوم اسمع عن الحوادث على طرقات الطويين حرام اشكثر ضحايا راحو على ها الشوارع
   مب بس بدون انارة ووبعد الشارع رايح وياي حراااااااااااااااااااااااااااااااااااااااااااااااا ااااااااااااااااااام والله حرام
   رمل – بدون اضاءة- الشارع رايح جاي-حيوانات سائبة الا متى هذا الاهمااااااااااااااااااااااااااال

   اشكر مشاركتك في الموضوع وتفاعلك معنا اخوي
   بس يا ترى شو الحل ؟؟؟؟

5. سايبة يعني مرتين كنت بروح فيها وانا يايه من الدوام والا رادة يعني مب واحد ولا اثنين اكثر عن واحد ويتمشن على راحتهن وخاصة لو انك يايه على سرعه معينه بعد يربعن صوب السيارات يتحمسن اكثر يوم يشوفن سيارات

   يا بنت الحلال الله يحفظج لاهلج وان شاء الله تنحل هاي المشكلة قولي آآآآمين

Comments are closed.