السلام عليكم ورحمة الله وبركاته

حياكم الله

اخواني الموضوع مثل ما هو باين من عنوانه

اول شي بقولكم سبب الموضوع : لاني سمعت انه المحلات ياخذون 150 الى 200 درهم للي يبا يحط نفيقيتر في تلفونه فقلت ليش هالنصب ؟؟

المهم.. الحمدلله من خبرتي في التلفونات و الكمبيوتر قدرت اسوي برنامج و اتحدى حد يحصل مثله على اي موقع من مواقع الانترنت .

البرنامج بـ 15 درهم و الدفع يكون عن طريق تحول الرصيد ( لانها اسهل طريقه ) … بس الدفع بيكون بعد ما اتجرب البرنامج بنفسك واذا عيبك ادفع واذا ماعيبك براحتك والي بياخذ البرنامج وبيستعمله ومابيدفع ما بحاسبه انا الله بيحاسبه.

البرنامج اسمه Rout66 وهو نفسه الي ايي في النافيقيتر 6110 بس الفرق انه التوجيه الصوتي بالانجليزي لكن مب مشكله لانه التوجيه الصوتي بس يقولك turn right ولا turn left يعني كلمات بسيطه اي حد يقدر يفهمها.

الحييين نيي للي يبا البرنامج .. اول شي البرنامج يشتغل ببلاش بدوون اي خدمه للأجهزه التاليه :
N95 8GB – N95 – E90 – N82

والسبب لأن هاذي الاجهزه تحتوي على جي بي اس داخلي .

الي يبا البرنامج بس الي مطلوب منه انه يكتب لي السيريال نمبر مال تلفونه عن طريق كتابه #06#*في التلفون.

وعقب بسويله البرنامج و بطرشه له ( البرنامج بيكون شغال على جهاز واحد فقط الي هوو صاحب السيريال يعني اذا جربت اتحط البرنامج حق تلفون ثاني ما بيشتغل والي يبا يجرب برايه ! )

———-

طريقة تثبيت البرنامج سهله عن طريق خطوتين فقط ( اسهل طريقة لحد الآن ونفس ما قلت اتحدى حد مسونها قبلي خخخخ )

الخطوة الاولى :
توصل التلفون بالكمبيوتر عن طريق الـUsb و اتشغل البرنامج الي طرشته لك و تختار من البرنامج مكان الميموري واتسوي انستول.

الخطوه الثانيه :
تروح للـ app. mgr مثل ما هو موضح في الصورة

عقب بتحصل البرنامج ومكتوب تحته not installed مثل ما هو موضح في الصورة

وعقب الي عليك انك تضغط عليه واتسوي انستول ( بياخذ وقت شوي ) وبس .

وعقب شغل البرنامج و اتريا شوي لين ما يشبك ويا الاقمار الصناعيه ( ما يشبك في البيت اظهر برع و شغله )

والبرنامج مجربنه على تلفونين وشغال 100% … تقدر تكتب اسم المكان الي تباه وهو روحه يدليك بالصوت .

الطريقة سهله ومايبالها والي يشوف انها معقده يخبرني .

ملاحظه : الي يبا يقول انه البرنامج متوفر في المنتديات و ببلاش >> ادري بهالشي لكن شوفو الخطوات الموجوده في المنتديات وكيف اتحط البرنامج في التلفون و شوفو طريقتي.

البرنامج انا روحي اسويه واحط له ملفات التسجيل و الله شاهد .

والسموحه عالاطاله ،

87 thoughts on “نافيقيتر بالصووت في تلفونك ب 15 درهم فقط ( حصريا )

  1. مشكور اخوي ما قصرت والبرنامج شغال عال العال والحمدلله برنامج اكثر من رائع ومره ثانيه اقولك اخوي مشكور وما قصرت

    العفوووو اخووي فزاع تيم

    وتسسلم على الرد الطيييب

    وان شاء الله تستفيد منه

  2. مشكور اخوي ما قصرت والبرنامج شغال عال العال والحمدلله برنامج اكثر من رائع ومره ثانيه اقولك اخوي مشكور وما قصرت

  3. السلام عليك

    والله انك طحت على العوق انا استوالي فتره احاول اشترك في التوجيه الصوتي حتى بفلوس ماقدرت تم يكتبلي ادخل رقم الفيزه وقدرة لكن الحل عندك جزاك لله خير انا عندي n95 وهذا السيريل نمبر وحط رقم تيلفونك عشان اطرشلك والله تستاهل ابرك من الشركات ومن المحلات 356990616229089

    ويعطيك العافيه بس التحديث عساه مال 2007

  4. أخواني الحمدلله انحلت مشكلة الكونكيكشن التعبان خخخخ

    خلاااص الي يبااا يطلب حيّاااه

    الحمدلله الحين الوضع تحسن

    والسمووحه من الكل ..

Comments are closed.